РСФСР билимин уонна тиэхиникэтин үтүөлээх үлэһитэ

РСФСР билимин уонна тиэхиникэтин үтүөлээх үлэһитэ (нууч. Заслуженный деятель науки и техники РСФСР) — Россия Советскай Федеративнай Социалистическай Республикатын (1992 сылтан — Арассыыйа Бэдэрээссийэтин) бочуоттаах аата.

РСФСР Үрдүкү Сэбиэтин уурааҕынан 1931 сылтан билим уонна тиэхиникэ эйгэтигэр ураты үтүөлэрин иһин Бочуоттаах грамотаны уонна түөскэ анньыллар бэлиэни кытта тэҥҥэ туттарыллара.

Аакка туттарыллар түөскэ анньынар бэлиэ РСФСР Үрдүкү Сэбиэтин Президиумун 1985 сыллааҕы атырдьах ыйын 1284-XI №-дээх «РСФСР билимин уонна тиэхиникэтин үтүөлээх үлэһитэ» уонна «РСФСР билимин үтүөлээх үлэһитэ» түөскэ анньынар бэлиэлэри олохтооһун" уурааҕынан бигэргэтиллибитэ.

Наҕараадалааһын Арассыыйа Бэдэрээссийэтин Бочуоттаах ааттарын саҥа тиһигин АБ Бэрэсидьиэнин 1995 сыл ахсынньы 30 күнүнээҕи бигэргэтэр уурааҕа 1996 сыл муус устар 1 күнүгэр олоххо киирбитин кэннэ тохтообута.

Арассыыйаҕа, АБ Бэрэсидьиэнин 1995 сыл ахсынньы 30 күнүнээҕи 1341 №-дээх уураҕар диэри РСФСР Бочуоттаах ааттарын бигэргэтии правовой аакталара үлэлээбиттэрэ. Онтон, судаарыстыба аата «Российскай Советскай Федеративнай Социалистическай Республика» диэнтэн «Арассыыйа Бэдэрээссийэтэ» диэҥҥэ уларыйыаҕыттан (РСФСР 1991 с. ахсынньы 25 күнүнээҕи 2094-I №-дээх сокуонун уонна Арассыыйа Бэдэрээссийэтин 1992 сыл муус устар 21 күнүнээҕи 2708-I №-дээх сокуонун көр) бары бочуоттаах ааттарга «РСФСР» диэни «Арассыыйа Бэдэрээссийэтин» диэҥҥэ уларыппыттара^[1]. Бу сокуон «Российская газета» хаһыакка ыам ыйын 16 күнүгэр 1992 сыллаахха бэчээттэмитэ. Ол аата, 1992 сыл ыам ыйын 16 күнүттэн 1996 сыл кулун тутар 30 күнүгэр диэри бу РСФСР сэбиэскэй бочуоттаах «Арассыыйа Бэдэрээссийэтин үтүөлээх үлэһитэ» ааты Бочуоттаах ааттар сэбиэскэй балаһыанньаларыгар олоҕуран туттараллара.

проф. Н. А. Слёзкин (нууч.) (сах. грамотата