Үрүҥ моойдоох хаас

Үрүҥ моойдоох хаас (нууч. гусь-белошей, лат. Chen canagica) — кылгас модьу-таҕа моойдоох орто көтөр.

Улахана 2,5 киилэҕэ тиийэр. Атыыра тыһыта тас көстүүтүнэн уратылара суох. Көхсүн уонна кынатын түүтэ күөхтүҥү-сиэрэй, туора хара сурааһыннардаах. Төбөтө уонна моонньун кэлин өттө үрүҥ.

Ареала кыра. Беринг байҕалын арҕаа уонна илин кытылларыгар, Азия хотугуу-илин уһук өттүгэр уйаланар. Арассыыйаҕа Анаадыртан Беринг силбэһиитигэр диэри, арҕаа Халымаҕа көстөр. Маны таһынан Хотугу Америкаҕа Аляска кытылыгар уйаланар. Аҕыйах көтөр Командор уонна Куриил арыыларыгар кыстыыр. Саарыыр кэмигэр Сибэтиэй Лаврентий арыытын соҕуруу өттүгэр элбэх буолар.

Бу туһунан сиппэтэх ыстатыйа. Көннөрөн уонна эбэн биэрэн УРУБИИКИ көмөлөһүөххүн сөп.

Бу ыстатыйаҕа дааннайдар туругунан бэриллибиттэр.

Ыстатыйа информациятын саҥардан көмөлөһүөххүтүн сөп.