Щегельняк Роман Михайлович

Роман Щегельняк 1973 сыллаахха тохсунньу 14 күнүгэр Краснодарга төрөөбүтэ. 1980—1990 сылларга Хаандыга орто оскуолатыгар үөрэммитэ. 1991—1995 сылларга Краснодардааҕы физическэй култуура уонна успуорт судаарыстыбаннай институтугар үөрэммитэ^[2].

Эбии муниципальнай сулууспаҕа идэтин үрдэтиммитэ, ол иһигэр «Муниципальнай сулууспа Саха Өрөспүүбүлүкэтигэр (Саха сирэ)» (РАНХиГС (нууч.) (сах. Дьокуускайдааҕы филиала), «Саха Өрөспүүбүлүкэтин муниципальнай тэриллиилэригэр олох-дьаһах хаһаайыстыбатын уорганнарын үлэтэ», «Энергияны кэмчилиир технологиялары туттуу» (Москва), ону тэҥэ биир куораттары сайыннарар бырайыактары салайыыга идэни уларытан үөрэтии бырагырааматын («Сколково» салайыы Москубатааҕы оскуолата) ааспыта^[2].

1997—1998 сылларга Стратегическай аналлаах ракетнай сэриилэргэ сулууспалаабыта^[2].

2003 сылга диэри Томпо улууһун Хаандыга бөһүөлэгин элбэх профиллээх гимназиятыгар тренер-преподавателинэн үлэлээбитэ^[2].

2003—2007 сылларга Томпо улууһун дьаһалтатын ыччат уонна успуорт, физическэй култуура уонна успуорт салаатын начальнига^[2].

2007—2008 сылларга «Хаандыга бөһүөлэгэ» муниципальнай тэриллии баһылыгын солбуйааччы^[2][3].

2008—2010 сылларга Мииринэй оройуонун «Айхал бөһүөлэгэ» муниципальнай тэриллии дьаһалтатын баһылыгын солбуйааччы^[2][3].

2010—2012 сылларга «Дьабарыкы Хайа бөһүөлэгэ» муниципальнай тэриллии баһылыга^[2][3].

2012 сылга «Якутуголь» ХК аһаҕас акционернай уопсастыба «Шахтёр» доруобуйаны тупсарар комплексын дириэктэрэ^[2].

2012—2013 сылларга «Нүөрүҥгүрү куорат» муниципальнай тэриллии баһылыгын бастакы солбуйааччы^[2][3].

2013—2021 сылларга «Якутуголь» ХК акционернай уопсастыбатыгар кадрга дириэктэринэн үлэлээбитэ^[2][3].

2021 сыл ыам ыйыгар Нүөрүҥгүрү улууһун баһылыга буолбута^[2][3].

2026 сыл кулун тутар 21 күнүгэр оройуоннааҕы дьокутааттар Сэбиэттэрин мунньаҕар бэйэтин баҕатынан дуоһунаһыттан уурайарын туһунан биллэрбит.

Кэргэннээх. Үс оҕолоох^[2].