Нуучча тылынанАнал бырайыактар
Тылы уларыт
УРУБИИКИ ТУҺУНАН

Шишлянников Михаил Осипович

Михаил Осипович Шишлянников (1908 сыл кулун тутар 4 күнэ, Зима[d], Иркутскай уобалаhа — 1996 сыл от ыйын 25 күнэ, Самарҕа) — «Якутзолото» трест «Ленинскэй» бириискэтин драгера, Социалистыы Үлэ Дьоруойа[1].

Олоҕун олуктара

1908 сыллаахха кулун тутар 4 күнүгэр Иркутскай уобалас Зима куоратыгар төрөөбүт[2].

1929 сылтан, 7 кылааһы бүтэрэн баран, мас бэлэмнээһинигэр үлэлээбит.

1930—1934 сыллардаахха Хара муора флотугар (нууч.) (сах. сулууспалаабыт. Саппааска уурайан баран, Саха сиригэр Алдан куоракка көмүс бириискэлэригэр бастаан кочегарынан, онтон матроһунан, машиниһынан, кэлин драгерынан үлэлээбит.

1942 сыллаахха «Якутзолото» трест «Ленинскэй» бириискэтин 76 № -дээх драга салайааччытынан анаммыт.

Уралга квалификацияны үрдэтэр үс ыйдаах драгердар куурустарын бүтэрэн, 77 №-дээх драга коллективын салайбыт.

ССРС Үрдүкү Сэбиэтин Президиумун 1957 сыл алтынньы 1 күнүнээҕи ыйааҕынан, Саха АССР промышленноһыгар уонна тыа хаһаайыстыбатыгар үлэ саҥа прогрессивнай ньымаларын киллэриигэ улахан кылаатын уонна оҥорон таһаарыга үрдүк көрдөрүүлэрин иһин Шишлянников Михаил Осиповичка Социалистыы Үлэ Дьоруойун аата иҥэриллибитэ, Ленин уордьана уонна «Сиэрпэ уонна Балта» кыһыл сулус туттарыллыбыт..

1960 сыллаахха Саха сиригэр саамай күүстээх 380 литрдээх 41 №-дээх драга коллективын салайбыт.

Алдан куорат уонна Ленинскэй оройуоннааҕы үлэһиттэр дьокутааттарын Сэбиэттэрин дьокутаатынан, ССРС металлургтарын идэлээх сойууһун XII сийиэһин делегатынан талыллан үлэлии сылдьыбыт.

1967 сыллаахха пенсияҕа тахсан Куйбышев куоракка (1991 сылтан — Самара) көспүт.

1996 сыллаахха от ыйын 25 күнүгэр өлбүт[1].

Наҕараадалара уонна ытык ааттара

Аатын үйэтитии

2021 сыллаахха «Саха сирин судаарыстыбыннаһын 100 сылыгар — 100 ааттаах алмаас» бырайыак чэрчитинэн «Алроса» АК хостообут бөдөҥ ювелирнай алмааска Социалистыы Үлэ Дьоруойа Шишлянников Михаил Осипович аата иҥэриллибит[3].

Быһаарыылар

  1. ↑ 1 2 3 Шишлянников Михаил Осипович (рус.) (2 Олунньу 2026).
  2. ↑ Шишлянников Михаил Осипович (рус.). Сигэнии күнэ: 2 Олунньу 2026.
  3. ↑ АЛРОСА передала республике сертификаты алмазов, названных именами якутян (рус.). Сигэнии күнэ: 2 Олунньу 2026.

Литература

  • Владимир Пестерев. История Якутии в лицах. — Якутск: «Бичик», 2001.
  • Герои Социалистического Труда Якутской АССР: биобиблиогр. справ. — Якутск, 1987. — С. 171—172.

Категориялар