Фёдорова Парасковья Павловна
Фёдорова Парасковья Павловна (балаҕан ыйын 1 күнэ 1927, Чыамайыкы нэһилиэгэ, Мэҥэ-Хаҥалас улууһа — сэтинньи 10 күнэ 2019) — РСФСР тыа хаһаайыстыбатын үтүөлээх үлэһитэ, Саха АССР норуодунай хаһаайыстыбатын үтүөлээх үлэһитэ. «Хотугу Сулус» уордьанын кавалера. Дьокуускай куорат ытык олохтооҕо.
Биография
1927 сыллаахха балаҕан ыйын 1 күнүгэр Мэҥэ-Хаҥалас улууһун Чыамайыкы нэһилиэгэр дьадаҥы дьиэ кэргэнигэр төрөөбүтэ. 1959 сыллаахха Саха тыа хаһаайыстыба техникумын бүтэрбитэ, 1969 сыллаахха Саха судаарыстыбыннай университетын тыа хаһаайыстыбыннай факультетын. 1944—1948 сылларга Орджоникидзевскай оройуон Осоавиахим инструктора быһыытынан үлэлээбитэ, Аллараа Халыма улууһун ВЛКСМ райком секциятын сэбиэдэссэйэ, 1950—1956 сылларга Дьокуускай райсобеһын бухгалтера, оттон Тулагы-Киллэм нэһилиэгин сельсоветын бэрэссэдээтэлэ.
1959 сыллаахха «Якутский» совхозка бастаан бригадир, онтон салайааччы быһыытынан үлэлээбитэ, партком сэкэрэтээринэн талыллыбыта. 1970 сылтан пенсиятыгар диэри «Хатасский» совхоз салайааччыта этэ.
Аатын үйэтитии
Хатас уулассылартан биирдэстэрэ Фёдорова Парасковья Павловна аатын сүгэр.
Литэрэтиирэ
- Имена на улицах Якутска : (биобиблиографический справочник) / Окружная администрация города Якутска, Управление культуры и духовного развития городского округа «город Якутск» Муниципальное бюджетное учреждение "Централизованная библиотечная система городского округа «город Якутск», Информационно-библиографический отдел; [составители: Зедгенидзева А. Н., Иванова М. Н., Купоросова Т. И. и др. ; редакторы: Попова С. В., Иванова М. Н. ; руководитель проекта Тихонова Н. Н. ; вступительное слово главы ГО «город Якутск» Евгения Григорьева]. — Якутск : ЦГБ, 2002- . — 21 см. Вып. 4. — 4-е изд., перераб. — 2022. — 693 c. : портр. — 69 экз.