Нуучча тылынанАнал бырайыактар
Тылы уларыт
УРУБИИКИ ТУҺУНАН

Төрөөбүт тыл уонна сурук-бичик күнэ

Төрөөбүт тыл уонна сурук-бичик күнэ (нууч. День родного языка и письменности) — Саха Өрөспүүбүлүкэтигэр төрөөбүт тылга анаммыт бэлиэ күн. 1996 сылга олохтоммута.

Устуоруйата

Саха Сирин бастакы Бэрэсидьиэнэ М. Е. Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, С. А. Новгородов төрөөбүт күнэ — олунньу 13 күнэ — Төрөөбүт тыл уонна сурук-бичик күнүнэн биллэриллибитэ[1].

Бу Күн олохтонуута Саха Сирин төрүт олохтоохторун төрөөбүт тылларын сайыннарыыга, бастакы саха суругун-бичигин олохтообут саха лингвист-учуонайа, бастакы саха үөрэҕин кинигэлэрин таһаарааччы Семен Андреевич Новгородов сырдык кэриэһин үйэтитэр, аатын ытыктатар соруктаах.

Бэлиэтээһинэ

Бу Күн араас үөрэх кыһаларыгар, култуура кииннэригэр төрөөбүт тылга аналлаах араас тэрээһиннэр ыытыллаллар. Оскуолаларга саха суруйаачыларын, бэйиэттэрин кытта көрсүhүүлэр ыытыллаллар, араас күрэхтэр, көрүүлэр тэриллэллэр. Өрөспүүбүлүкэ үрдүнэн саха тылыгар анаммыт араас тэрээһиннэр, көрсүhүүлэр киэҥ хабааннаахтык ыытыллаллар.

Олунньу 13 күнүгэр, үгэс быһыытынан, Санкт-Петербург куоракка Саха Сирин делегацията Смоленскай кладбищеҕа (нууч.) (сах. биллиилээх учуонай С. А. Новгородов, кини кыыһа Е. С. Новгородова уонна саха тылдьытын оҥорооччута Э. К. Пекарскай уҥуохтарыгар сибэкки веноктарын уураллар[2][3][4].

Быһаарыылар

  1. ↑ «Об объявлении Дня родного языка и письменности». Указ Президента РС (Я) от 9 февр. 1996 г. N 1294 (10 Олунньу 1996). Сигэнии күнэ: 30 Ахсынньы 2025.
  2. ↑ В Санкт-Петербурге якутяне отметят День родного языка и письменности. ЯСИА (9 Олунньу 2017). Сигэнии күнэ: 14 Тохсунньу 2026.
  3. ↑ Сегодня, 13 февраля, отмечается День родного языка и письменности в Якутии (13 Олунньу 2023). Сигэнии күнэ: 14 Тохсунньу 2026.
  4. ↑ В Санкт-Петербурге состоятся мероприятия ко Дню родного языка и письменности в Якутии. ВестиСаха (10 Олунньу 2024). Сигэнии күнэ: 14 Тохсунньу 2026.

Сигэлэр

Категориялар