Сэбиэскэй ыччат күнэ

Сэбиэскэй ыччат күнэ олунньу 7 күнүгэр 1958 сыллаахха ССРС Үрдүкү Сэбиэтин Президиумун бэрэсэдээтэлэ К. Ворошилов уонна ССРС Үрдүкү Сэбиэтин Президиумун суруксута М. Георгадзе илии баттаабыт «Сэбиэскэй ыччат күнүн олохтуур туһунан» Ыйааҕынан тэриллибитэ. Ыйааҕынан сыллата бэс ыйын бүтэһик өрөбүлүгэр бэлиэтэнэр. ССКП киин кэмитиэтэ бырааһынньыктааҕы тэрээһиннэри ыытыыга сүрүн соруктары Бүтүн Союзтааҕы Ленин коммунистическай ыччат союһугар сүктэрдэ^[1][2].

Бу күн бырааһынньыктааҕы хаамыы, олохтоох уонна кэлии артыыстар кэнсиэрдэрэ, араас боппуруостарга эппиэттиир оонньуулар уонна күрэхтэр, көрүдьүөс элэмиэннээх спортивнай күрэхтэһиилэр (холобур, куулга сүүрүү) буолан ааһаллар, киэһэ сүдү уоту уматыы, ол таһыгар патриотическай уонна бардов ырыаларын хоро толороллоро. Аны, сэбиэскэй ыччат күнүгэр судаарыстыба ыччат бэлиитикэтин эйгэтигэр ситиһиилэри түмүктээн, кэскиллээх эдэр специалистарга араас өйөбүл оҥоһуллар.

Оччотооҕуга ССРС административнай единицалара буоланнар, Сэбиэскэй Социалистическай Өрөспүүбүлүкэлэр бары сэбиэскэй ыччат күнүн бииргэ бэлиэтээбиттэрэ эрээри, Сэбиэскэй Союз уларыта тутуу уонна ыһыллыбытын кэннэ быһыы-майгы уларыйда. Тутулуга суох буолан, урут Сэбиэт Өрөспүүбүлүкэлэрэ үксүлэрэ бу бырааһынньыгы атын күҥҥэ көһөрбүттэрэ, атыттара аатын уларыппыттара эбэтэр букатын суох оҥорбуттара. Аҥардас Белоруссия бэс ыйын бүтэһик өрөбүлүгэр бырааһынньыгы бэлиэтиир.

Арассыыйаҕа бырааһынньык «сэбиэскэй» диэн тиэрмини сүтэрэн, ыччат күнэ буолбута уонна Арассыыйа бэрэсидьиэнэ Борис Ельцин бэс ыйын 27 күнүгэр көһөрбүтэ, гынан баран сорох куораттарга сүрүн бырааһынньык өрөгөйдөрө бэс ыйын бүтэһик өрөбүлүгэр, Белоруссияны кытта тэҥҥэ «былыргылыы» буолан ааһаллар.

Филателияҕа

ССРС почта мааркалара