Нуучча тылынанПартнёрдар бырайыактараАнал бырайыактар
Тас көрүҥүн уларытТылы уларыт
УРУБИИКИ ТУҺУНАН

Сысолятин Иван Афанасьевич

Сысолятин Иван Афанасьевич (1936 сыл алтынньы 16 күнэ, Таатта улууһа, Саха АССР — 1999 сыл балаҕан ыйын 4 күнэ) — бэйиэт, прозаик. Арассыыйа суруйааччыларын холбоһуктарын чилиэнэ.

Олоҕун олуктара

  • 1936 сыл алтынньы 16 күнүгэр Таатта улууһугар төрөөбүтэ.
  • 1955 сыллаахха орто оскуоланы бүтэрбитэ, аармияҕа сулууспалаабыта.
  • 1957—1959 сылларга, промкомбинатка мас кэрдээччи, Таатту улууһун «Коммунист» диэн хаһыат литература редактора
  • 1965 сыллаахха СГУ саха тылын отделениетын бүтэрбитэ уонна 1980 сылга диэри Мэҥэ-Хаҥалас улууһугар учууталлаабыта, завуч уонн оскуола дириэктэринэн үлэлээбитэ.
  • 1980 сылта «Эркээйи» хаһыат отделын сэбиэдиссэйэ, редакторы солбуйааччыта.
  • 1999 сыл балаҕан ыйын 4 күнүгэр өлбүтэ[1].

Айар үлэтэ

Оскуолаҕа үөрэнэ сылдьан хоһоон суруйар буолбута. Устудьуоннуу сылдьан «Сэргэлээх уоттара» литература куруһуогар дьарыктаммыта. Орто уонна үрдү кылаас оҕолоругар анаан суруйара

«Күн диэки» диэн хоһооннорун бастакы хомуурунньуга 1972 сыллаахха тахсыбыта. Айымньылара «Чолбон» сурунаалга, өрөспүүбүлүкэ хаһыаттарыгар бэчээттэнэллэрэ.

Кини хоһоонноругар «Кыракый уолчааным», «От сыта», «Хаар үҥкүүтэ», «Күөрэгэйдиир чыычааҕым», «Баатара» уо.д. а. норуот таптыыр ырыалара айыллыбыттара.

1981 сылтан олоҕун бүтэһик сылларыгар диэри Мэҥэ-Хаҥалас улууһун «Таммахтар» айар түмсүүтүн салайбыта[2].

Библиографията[3]

Айымньылара

  • Күн диэки : хоһооннор. — Дьокуускай : Кинигэ изд-вота, 1972. — 32 с.
  • Аттаныы, 1982 с.
  • Аар хатыҥ : сэһэннэр. — Дьокуускай : Кинигэ изд-вота, 1985. — 135 с.
  • Сарсыарда : сэһэн. — Дьокуускай : Кинигэ изд-вота, 1987. — 160 с.
  • Рец.: «Сарсыарда» салҕаныан баҕарабын" / С. Платонов // Чолбон. — 1989. — № 5. — С. 98.
  • Кыһыл сулус : сэһэннэр. — Дьокуускай : Кинигэ изд-вота, 1990. — 188 с.
  • Ох курдук оҥостон : роман. — Дьокуускай : Бичик, 1994. — 280 с. Сэбиэскэй Сойуус Дьоруойа Федор Попов туһунан.
  • Хахыйах : сэһэннэр. — Дьокуускай : Бичик, 1996. — 280 с.

Кини уонна айымньыларын туһунан

  • Таатта улууһа. Сүүс сыл. Сүүс суруйааччы / [бырайыак ааптара, ред. А. Ф. Постников-Сындыыс; хомуйан оҥордулар: А. Ф. Постников, П. Е. Самсонов, У. И. Заболоцкая уо.д.а.]. — Ытык Күөл : [и. с.], 2012. — 362 с. — Иһинээҕиттэн: Иван Афанасьевич Сысолятин : [кылгас биогр.] ; Кыракый уолчааным ; Күн диэки ; Хаар үҥкүүтэ ; От сыта ; Ийэлэр ; Күнүм барахсан ; Ох тыл хоһооннор : [хоһооннор]. — С. 237—239.
  • Иван Афанасьевич Сысолятин (16.10.1936 — 04.09.1999) / [хомуйан оҥордо В. Р. Попов]. — Дьокуускай : Медиа-Холдинг «Якутия», 2012. — 118 с. : ил.
  • Сосин, И. Литература сэмэй үлэһитэ / И. Сосин // Чолбон. — 1996. — № 10. — С. 88-89.
  • Гурьев, М. В. Оргуйар олох ортотугар : [төрөөбүтэ 75 сылыгар] / М. В. Гурьев // Чолбон. — 2011. — № 10. — С. 84-87.
  • Протасова, Т. «Аргыардаах саас» туһунан аҕыйах тыл : (Иван Сысолятин «1968 с. Аргыардаах саас» сэһэнин туһунан) / Туяра Протасова // Чолбон. — 2019. — № 8. — С. 50-51.
  • Корякин, И. Ахтан-санаан аастахха / И. Корякин // Саха сирэ. — 2006. — Ахсынньы 14 к. — С. 15.
  • Гурьев, М. Хаарыаннаах поэт, суруйааччы доҕорум / М. Гурьев // Эркээйи. — Майа. — 2011. — Балаҕан ыйын 16 к. — С. 6.
  • Птицына, М. И. «Өссө киэҥник бэлиэтиэҕиҥ» : [улуустааҕы киин б-каҕа ахтыы киэһэтэ буолан ааста] / М. Птицына // Эркээйи. — Майа. — 2011. — Сэтинньи 30к. — С. 5.
  • Иван Афанасьевич Сысолятин : [некролог] // Чолбон. — 1999. — № 9. — С. 95.
  • Иван Сысолятин // Писатели земли Олонхо : биобиблиогр. справ. / Союз писателей Якутии, Союз писателей Респ. Саха (Якутия), Якут. Нац. Б-ка; [сост.: Д. В. Кириллин, В. Н. Павлова, С. Д. Шевков]. — Якутск, 2000. — С. 374—375. — Библиогр.: с. 374—375 (11 назв.).

Наҕараадалара уонна ытык ааттара

  • 1982 сыллаахха «Аттаныы» сэһэнэ өрөспүүбүлүкэтээҕи күрэх үһүс бириэмийэтин ылбыта;
  • Мэҥэ-Хаҥалас улууһун Ытык олохтооҕо[1].

Аатын үйэтитии

  • «Эркээйи» улуус хаһыатын эрэдээксийэтэ сыл аайы Иван Сысолятин аатынан бириэмийэни бастыҥ кэрэспэдьиэҥҥэ туттарар[2].

Ылыллыбыт сирэ

  1. ↑ 1 2 Сысолятин Иван Афанасьевич(биллибэт). elib-mk.ru. Сигэнии күнэ: 9 От ыйын 2026.
  2. ↑ 1 2 СЫСОЛЯТИН Иван Афанасьевич — МКУК "Таттинская МЦБС"(биллибэт). taattalib.ru. Сигэнии күнэ: 9 От ыйын 2026.
  3. ↑ Үксэ Таатта бибилэтиэкэтин ситим-сириттэн ылылынна

Категориялар