Сунтаар улууһун өрөгөйүн ырыата

Үс саха үөрүүтүн үксэтэ,
Үйэлээх үгэһи үрдэтэ,
Үс Бүлүү кэскилин кэҥэтэ,
Үлүскэн үлэнэн киэргэтэ.

Өрүүтүн сүрэхпэр эн сандаар,
Олоҥхо дойдута — бу Сунтаар!
Киэн тутта эйигин ааттыыбыт,
Аар баҕах сэргэҕэр түмсэбит.

Кыыл Уолун алгыстаах тойугар
Сарсыҥҥы сарсыарда хоһуллар,
Бу дьоллоох туонабыт үрдүгэр
Уйгулаах олохпут түстэнэр.

Уол оҕо туйгуна үөскүөҕэ —
Самныбат саргыгын салгыаҕа,
Кыыс оҕо кэрэтэ иэйиэҕэ —
Сулустаах халлааҥҥар сырдыаҕа.