Нуучча тылынанАнал бырайыактар
Тылы уларыт
УРУБИИКИ ТУҺУНАН

Скрябин Адам Васильевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Скрябин.

Адам Васильевич Скрябин (1896 сыл ыам ыйын 18 күнэ [30 күнэ], Дьокуускай — 1938, Москва) — саха бастакы хормейстера, саха национальнай муусукатын култууратын төрүттээччилэртэн биирдэстэрэ, саха ырыаларын тарҕатааччы[1].

Олоҕун олуктара

Адам Скрябин 1896 сыллаахха ыам ыйын 18 күнүгэр Нөмүгү нэһилиэгэр төрөөбүт.

Дьокуускайдааҕы духовнай училищеҕа үөрэммитэ, 1917 сыллаахха бастакы саха хуорун уонна саха национальнай ротатын духовой оркестрын тэрийбитэ. Бу хуор кини салайыытынан 1923 сыллаахха Москубаҕа I Бүтүн Сойуустааҕы норуот хаһаайыстыбатын быыстапкатыгар сахалыы ырыалары толорон ситиһиилээхтик кыттар. 1924 сыллаахха Москуба консерваториятыгар муусука түөрүйэтин салаатыгар үөрэнэ киирбит.

1924—1925 сс. — Дьокуускай куорат 3-с уонна 4-с нүөмэрдээх оскуолаларыгар ырыа учуутала уонна Саха педтехникумугар преподаватель.

1927 сыллаахха Москубаҕа «Саха ырыаларын ноталара» диэн бастакы хомуурунньугу бэлэмнээн бэчээттэппит. Адам Скрябин ыллаан бирбитин мусукааннар К. П. Виноградов, Н. И. Аладов тупсаран нуотаҕа түһэрбиттэрэ[1].

1931 с. — Саха тыйаатырын иһинэн Саха Сиригэр бастакы хомус ансаамбылын тэрийбит.

1930-с сыллар ортолоругар Дьокуускайдааҕы пединститут хормейстера.

Аатын үйэтитии

Адам Скрябин аатынан Ой с. уулуссата ааттаммыт.

Быһаарыылар

  1. ↑ 1 2 Андросов В.Т. уо.д.а. Саха ырыатын антологията / Васильев С.И.. — Дьокуускай: Бичик, 2015. — Т. 1. — С. 10. — 432 с. — 5000 экз.

Сигэлэр

Категориялар