Нуучча тылынанАнал бырайыактар
Тылы уларыт
УРУБИИКИ ТУҺУНАН

Сирдитов Дмитрий Иванович

Сирдитов Дмитрий Иванович (1920 сыл балаҕан ыйын 15 күнэ, Абаҕа, Саха АССР — 2008 сыл от ыйын 30 күнэ) — Аҕа дойду Улуу сэриитин кыттыылааҕа. Саха Өрөспүүбүлүкэтин норуотун хаһаайыстыбатын үтүөлээх үлэһитэ.

Олоҕун олуктара

Дмитрий Сирдитов 1920 сыллаахха балаҕан ыйын 15 күнүгэр Амма улууһун Абаҕа сэлиэнньэтигэр төрөөбүт.

1942 сыл бэс ыйыгар Чурапчы оройуонун военкоматынан Кыһыл Аармыйаҕа ыҥырыллыбыт. 1943 сыл сэтинньититтэн 2-с Украинскай, 2-с Белорусскай фроннарга сэриилэспит.

Эльба өрүскэ диэри Берлин хоту өттүнэн, Виттенберг куорат таһыгар тиийбитэ, онно Америка уонна Англия сэриилэрин кытта көрсүспүттэрэ.

Салгыы сулууспалыырга чааһыттан соҕотох киһи Брестскай кириэппэс иһигэр хаалларыллыбыта уонна 1946 сыл бэс ыйыгар демобилизацияламмыта. Бу чааска сулууспалыы сырыттаҕына, кини чемоданын уорбуттар. Иһигэр саҥа параднай көстүүм, байыаннай наҕараадалар — III истиэпэннээх «Албан аат» уордьаннаах, «Хорсун быһыытын иһин», «Байыаннай өҥөлөрүн иһин» мэтээллэр уонна хром саппыкы.

Холуобунай дьыала тэриллибитэ, уоруйахтары булан 5 сылга уурбуттара, кинилэр Горбатенко уонна Кулик диэн саллааттар эбит. Кинилэр байыаннай наҕараадалары Буг өрүскэ бырахпыттарын туһунан көрдөрүү биэрбиттэрэ. Уоруллубут III истиэпэннээх Албан аат уордьана 63 сыл буолан баран Буг өрүһүттэн Квятковскай Степан Ивановичка көстүбүтэ. Уордьан нүөмэринэн көрдөөһүн үлэтэ ыытыллан баран, наҕараада Дмитрий Сирдитовка (өлбүтүн кэннэ) төнүннөрүллүбүтэ[1].

Наҕараадалара уонна ытык ааттара

Быһаарыылар

  1. ↑ Сирдитов Дмитрий Иванович. https://www.moypolk.ru. Сигэнии күнэ: 31 Кулун тутар 2026.
  2. ↑ Карточка награждённого к 40-летию Победы в электронном банке документов «Подвиг Народа»
  3. ↑ Наградные документы в электронном банке документов «Подвиг Народа»
  4. ↑ 1 2 3 Наҕараада докумуоннарыгар араспаанньата сыыһа Сердитов диэн ыйыллыбыт.
  5. ↑ Наградные документы в электронном банке документов «Подвиг Народа»
  6. ↑ Наградные документы в электронном банке документов «Подвиг Народа»
  7. ↑ Почетные граждане, известные люди

Сигэлэр

  • Тайна ордена // Забота Арчы : хаһыат. — 23.04.2009. — С. 3.
  • Петров Н. Н. Умнубат сүрэхпит биһирэм сэһэнэ. — Дь.: Көмүөл, 2012. — 192 с.

Категориялар