Нуучча тылынанАнал бырайыактар
Тылы уларыт
УРУБИИКИ ТУҺУНАН

Сергучев Карл Лазаревич

Сергучев Карл Лазаревич (төр. 1959 сыл балаҕан ыйын 18 күнэ, Дьокуускай) — режиссер-постановщик. 2008 сылтан 2013 сылга диэри Суорун Омоллоон аатынан Саха опера уонна балет тыйаатырын уус-уран салайааччыта этэ.

Олоҕун олуктара

1959 сыллаахха балаҕан ыйын 18 күнүгэр Дьокуускайга төрөөбүтэ. А. В. Луначарскай аатынан ГИТИС-и бүтэрбитэ.

Айар үлэтэ

1982 сыллаахха Дьокуускайдааҕы филармония уус-уран салайааччыта[1].

1983 сылтан 1991 сыллаахха диэри Ойуунускай аатынан Саха тыйаатырын режиссер-постановщига уонна муусука салайааччыта. 1985 сыллаахха саха тэлэбиидьэннэтигэр бастакы «Голубой огонёгу» режиссёр уонна ааптар быһыытынан туруорбута[1].

1986 сыллаахха «Поэзия Якутии» телецикл ааптара уонна режиссёра[1].

1990 сыллаахха Карл Сергучев Горькай аатынан МХАТ-ка Распутин «Прощание с Матерой» испэктээк режиссёра уонна муусука эрэдээктэрэ этэ[1].

1991 сылтан 1993 сылга диэри Судаарыстыбаннай опера уонна балет тыйаатырын сүрүн режиссёра[1].

1993 сыллаахха Сеулга Аан дойдутааҕы шаманизм конгреһыгар кыттыбыта[1].

2003 сыллаахха «Табык — Живой голос» аныгы муусука бэстибээлин уус-уран салайааччыта. 2004 сылтан «Табык» продюссерскай устуудьуйа уус-уран салайааччыта[1].

2005 сыллаахха «Журавли над Ильменем» киинэҕэ муусука эрэдээктэрин быһыытынан үлэлээбитэ[1].

2007 сыллаахха Москваҕа «От олонхо к новой опере» бэстибээлгэ Карл Сергучев «Александр Македонский» уонна «Кудангса Великий» диптих аан дойдутааҕы премьератын туруорбута. 2008 сыл ахсынньытыгар «Александр Македонский» испэктээк «Көмүс Мааска» бэстэбээлгэ сэттэ номинацияны ылбыта. 2009 сыл муус устарыгар «Көмүс Мааска» анал бириэмийэтин ылбыта.

2008 сылтан 2013 сылга диэри Суорун Омоллоон аатынан Саха опера уонна балет тыйаатырын уус-уран салайааччыта этэ.

2018 сыллаахха Карл Сергучев аҕатын туһунан «Лааһар» диэн кинигэни сүрэхтээбитэ[2].

2019 сыллаахха Саха Өрөспүүбүлүкэтин уус-уран түмэлигэр Карл Сергучев уонна Саргылана Иванова «Память моя. От эскиза до сцены» диэн быыстапкалара ааспыта[3].

2024 сыл алтынньытыгар Гагарин аатынан култуура киинигэр «Карл Fest» диэн Карл Сергучев үбүлүөйүгэр анаммыт квартирник ыытыллыбыта. Ыалдьыттарга Ят-Ха бөлөҕүн олохточчута Альберт Кувезин баара[4].

Наҕараадалара уонна ытык ааттара

  • Саха Өрөспүүбүлүкэтин ускуустубатын үтүөлээх деятелэ;
  • «Көмүс Мааска» бириэмийэ кыайыылааҕа (2009)[1].

Дьиэ кэргэнэ

Аҕата — Сергучев Лазарь Лазаревич, тыйаатыр артыыһа[1].

Кэргэнэ — Саргылана Иванова, тыйаатыр худуоһунньуга[3].

Быһаарыылар

  1. ↑ 1 2 3 4 5 6 7 8 9 10 Конфликт в оперном театре Якутии. https://1sn.ru. SakhaNews (19 Бэс ыйын 2013). Сигэнии күнэ: 24 Балаҕан ыйын 2025.
  2. ↑ «Лазарь»: в Саха театре презентована книга о легенде якутской сцены. https://yakutia.info. Сигэнии күнэ: 24 Балаҕан ыйын 2025.
  3. ↑ 1 2 Карл Сергучев и Саргылана Иванова: «Память моя. От эскиза до сцены». https://yakutia-daily.ru (13 Балаҕан ыйын 2019). Сигэнии күнэ: 24 Балаҕан ыйын 2025.
  4. ↑ Карл fest. Сигэнии күнэ: 25 Балаҕан ыйын 2025.

Сигэлэр

Категориялар