Нуучча тылынанАнал бырайыактар
Тылы уларыт
УРУБИИКИ ТУҺУНАН

Сергеев Анатолий Владимирович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Сергеев.

Сергеев Анатолий Владимирович (1979 сыл алтынньы 8 күнэ, Чапаев, Саха АССР) — Саха сириттэн төрүттээх киинэ режиссера, сценарист, продюсер[1].

Олоҕун олуктара

1979 сыллаахха алтынньы 8 күнүгэр Өлүөхүмэ улууһугар Чапаев нэһилиэгэр төрөөбүт.

2002 сыллааха Саха судаарыстыбыннай университетын (билиҥҥитэ — М. К. Аммосов аатынан Хотугулуу-Илиҥҥи федеральнай университет) педагогика хайысхатынан бүтэрбит.

1997—2005 сылларга «Саха» национальнай көрдөрөр-иһитиннэрэр хампаанньаҕа ыытааччынан уонна эрэдээктэринэн үлэлээбит[1].

2006 сыллаахха бэйэтин сценарийынан «Өлүү ыллыга» (нуучч. «Тропа смерти») диэн киинэни устан таһаарбыт. Бу киинэ судаарыстыбыннай киинэ хампаанньатын кыттыыта уһуллан тахсыбыт бастакы чааһынай бырайыактартан биирдэстэрэ уонна сахалыы хоррор жанрыгар да, саха киинэтигэр да саҥа сүүрээни киллэрбит. Анатолий Сергеев бэйэтэ кэпсииринэн, кини киинэ сценарийын олоҥхоҕо, Г. Ксенофонтов «Ойууннааһын» үлэтигэр олоҕуран суруйбут[2].

2008 сыллаахха кини, «Өлүү ыллыга-2: Буруйу толуйуу» (нуучч. «Тропа смерти-2: Искупление») диэн киинэ салгыытын устубут.

Бу сыл Москваҕа көһөн, «Наше кино» киинэни быракааттыыр бөлөххө быракаат салаатын үлэһитинэн киирэн үлэтин саҕалаабыт[3].

2014 сыллаахха «Кинологистика» киинэ хампаанньатын олохтообут. Хампаанньа саҥа киинэлэри быракаакка (нууч.) (сах. таһаарыынан, маркетинг, адаптация, тылбаас уонна саҥардыы (дубляж) өҥөлөрүнэн дьарыктанар.

2021 сыл көрдөрүүтүнэн, «Кинологистика» 50 киинэни бэлэмнээн таһаарбыт[4].

2022 сылтан саха режиссердарын кытта үлэлиир. Ол курдук, режиссер Илларион Яковлев «Почти как все» диэн киинэтин продюсердаабыт. Бу киинэ доруобуйаларынан хааччахтаах дьон проблемаларын сырдатар[5].

2023 сыллаахха «Моя девочка» диэн Сергей Потапов, «Чума» диэн Дмитрий Давыдов киинэлэрин таһаарсыбыт.

2024 сыллаахха Евгений Николаев «Кэҕэ» диэн киинэтин быракаакка таһаарбыт уонна киинэ бэстибээллэригэр көрдөрүүнэн дьарыктаммыт[3].

Фильмографията

Продюсер быһыытынан

  • «Граница», режиссер Дмитрий Давыдов (2025);
  • «Кэҕэ», режиссер Евгений Николаев (2024);
  • «Моя девочка», режиссер Сергей Потапов (2023);
  • «Бүгүн — былыр-2», режиссер Александр Лукин (2023);
  • «Чума», режиссер Дмитрий Давыдов (2023);
  • «Төннүү», режиссер Анатолий Сергеев (2023);
  • «Велга», режиссер Анастасия Нечаева (2022);
  • «Электрик-буги», режиссер Валерия Кузнецова (2022);
  • «Почти как все», режиссер Илларион Яковлев (2022);
  • «Вий 3D», режиссер Олег Степченко (2014);
  • «Неизвестный писатель», режиссер Анатолий Сергеев (2014);
  • «Алмаас», режиссер Анатолий Сергеев (2013);
  • «Киноман», режиссер Анатолий Сергеев (2011);
  • «Тропа смерти 2: Искупление», режиссер Анатолий Сергеев (2008);
  • «Тропа смерти», режиссер Анатолий Сергеев (2006)[6].

Режиссер быһыытынан

  • «Төннүү» (2023);
  • «Неизвестный писатель» (2014);
  • «Алмаас» (2013);
  • «Киноман» (2011);
  • «Тропа смерти 2: Искупление» (2008);
  • «Тропа смерти» (2006)[6].

Наҕараадалара уонна ытык ааттара

  • Арассыыйа суруналыыстарын Сойууһун чилиэнэ[1];
  • Саха киинэтин туйгуна[4].

Быһаарыылар

  1. ↑ 1 2 3 Анатолий Сергеев (рус.). Кино-театр.ру. Сигэнии күнэ: 25 Тохсунньу 2026.
  2. ↑ Биография Анатолия Сергеева (рус.). Сигэнии күнэ: 25 Тохсунньу 2026.
  3. ↑ 1 2 Анатолий Сергеев (рус.). ПрофиСинема. Сигэнии күнэ: 25 Тохсунньу 2026.
  4. ↑ 1 2 Анатолий Сергеев (рус.). ПрофиСинема. Сигэнии күнэ: 25 Тохсунньу 2026.
  5. ↑ Прокат якутского фильма «Почти как все» стартует с 16 марта (рус.). Сигэнии күнэ: 6 Олунньу 2026.
  6. ↑ 1 2 Анатолий Сергеев (рус.). КиноПоиск. Сигэнии күнэ: 25 Тохсунньу 2026.

Эбии бу тиэмэҕэ

Категориялар