Нуучча тылынанАнал бырайыактар
Тылы уларыт
УРУБИИКИ ТУҺУНАН

Сайыына (аат)

Сайыына (нууч. Сайына, Саина) — сахалыы кыыс, дьахтар аата.

Суолтата

Багдарыын Сүлбэ быһаарыытынан, Сайыына — саҥа аат. «Сайын» диэн тылтан үөскээбит, «сайыны аҕалааччы» диэн суолталаах. Бу аат «айыы ааттарыгар» киирсэр[1].

Аат күнэ-ыйа: Бэс ыйын 23, 24 күннэрэ; от ыйын 21, 22 күннэрэ.

Тэрис быһаарыытынан, бу аат «сай» диэн тылтан үөскээбит (нууч. веющая)[2].

Үөскээһинэ

Саха тылын быһаарыылаах улахан тылдьытын VIII томугар (С) сайын диэн тыл йайын диэн былыргы түүр тылыттан төрүттээҕэ ыйыллыбыт. Аныгы кэмҥэ тува тылыгар чай диэн тэҥ суолталаах тыл баар (бу тыл чайын диэн көрүҥэ хаһан? диэн ыйытыыга эппиэттиир сыһыат буолар)[3].

Тарҕаныыта

Васильев В. Н. уонна Семёнова О. Д. «Социолингвистическое изучение детских якутских имён» диэн 2026 сыллааҕы үлэлэрин түмүгүнэн, Сайыына диэн аат оскуола оҕолорун ортолоругар киэҥник тарҕаммыта көстүбүт[4].

2026 сыл от ыйын түмүгүнэн, саҥа төрөөбүт оҕолор ортолоругар бу аат сэдэх ааттар тиһиктэригэр киирбит[5].

Атын омуктарга

Тува омукка «сайыҥҥы» диэн суолталаах Чай[6] (эр киһи), Чайрана[7] уонна Чай-Суу[8] (дьахтар) ааттара бааллар.

Атын көрүҥнэрэ

Аат нууччалыы киэбинэн Сайына, Саина диэн суруллуон сөп.

Аат атын көрүҥэ: Сайыыда, Сайыада.

Маарыҥныыр суолталаах эр киһиэхэ бэриллэр ааттар: Сайын[2].

Биллэр дьон

  • Саина (1971 с. төр.) — ырыаһыт, СӨ үтүөлээх артыыһын Екатерина Саввинова айар аата[9];
  • Сайыына — СӨ култууратын үтүөлээх үлэһитин, «Көмүлүөк» духуобунас киинин төрүттээччитин, норуот эмчитин Клавдия Ильинична Максимова айар аата[10];
  • Саина — 2023 сыллаахха Онуфриевтар дьиэ кэргэннэригэр төрөөбүт Саха Өрөспүүбүлүкэтин мөлүйүөн ахсааннаах олохтооҕо буолбут кыыс аата[11].

Араас эйгэҕэ

Быһаарыылар

  1. ↑ Багдарыын Сүлбэ, 2011, с. 93
  2. ↑ 1 2 Тэрис, 2012, с. 24
  3. ↑ Саха тылын быһаарыылаах улахан тылдьыта С (VIII) (Слепцов П.А.) (рус.). SakhaTyla.Ru - Якутский словарь. Сигэнии күнэ: 13 Атырдьах ыйын 2026.
  4. ↑ Социолингвистическое изучение детских якутских имён. nvjournal.ru. Сигэнии күнэ: 13 Атырдьах ыйын 2026.
  5. ↑ Стали известны редкие и популярные имена для детей в Якутии за июль 2026, AiF. Сигэнии күнэ: 21 Атырдьах ыйын 2026.
  6. ↑ Имя Чай на Имя.Ком. Значение имени Чай. imya.com. Сигэнии күнэ: 13 Атырдьах ыйын 2026.
  7. ↑ Имя Чайрана на Имя.Ком. Значение имени Чайрана. imya.com. Сигэнии күнэ: 13 Атырдьах ыйын 2026.
  8. ↑ Сложные личные имена, образованные именными частями речи в тувинском языке. КиберЛенинка. Сигэнии күнэ: 13 Атырдьах ыйын 2026.
  9. ↑ Саина : биография, фото и личная жизнь(биллибэт). Сетевое издание «Смотрим». Сигэнии күнэ: 13 Атырдьах ыйын 2026.
  10. ↑ Вечер памяти Клавдии Максимовой - Сайыыны(биллибэт). Сигэнии күнэ: 13 Атырдьах ыйын 2026.
  11. ↑ Albertk. "Мөлүйүөннээх" кыыһы Саина диэн сүрэхтээтилэр(биллибэт). kyym.ru. Сигэнии күнэ: 13 Атырдьах ыйын 2026.
  12. ↑ ИИ-помощник якутского загса начнет подбирать имена для новорожденных(биллибэт). Эхо столицы. Сигэнии күнэ: 13 Атырдьах ыйын 2026.

Литература

  • Багдарыын Сүлбэ Аатта тал. — Дьокуускай: Бичик, 2011. — 96 с.
  • Тэрис Тэрис. Сахалыы аат. — Дьокуускай: Якутский край, 2012. — 41 с.

Категориялар

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».