Родионов Константин Константинович
Родионов Константин Константинович эбэтэр Сабырык (төр. 1960 сыл сэтинньи 11 күнэ, Хайахсыт нэһилиэгэ, Саха АССР) — Мэҥэ-Хаҥалас кыраайы үөрэтээччитэ, Бүтэйдээх нэһилиэгин туһунан кинигэ ааптара, түмэл дириэктэрэ. РФ суруналыыстарын Сойууһун чилиэнэ.
Олоҕун олуктара
Константин Родинов 1960 сыллаахха Чурапчы улууһун Хайахсытыгар төрөөбүтэ[1].
Бүтэйдээх орто оскуолатын 1977 сыллаахха, СГУ историческай факультетын 1982 сыллаахха бүтэрбитэ.
1985—1989 сылларга Уус-Тааттаҕа оскуолаҕа устуоруйа учууталынан үлэлээбитэ. 1990 сылтан Бүтэйдээххэ учуутал буолбута, онтон оскуолаҕа дириэктэрдиирэ.
Мэҥэ-Хаҥалас Бүтэйдээҕэр духуобунас түмэлин комплексын үлэһитэ этэ. Мэҥэ-Хаҥалас улууһугар Бүтэйдээххэ М. В. Шергин аатынан түмэл дириэктэрэ[1].
Уон кинигэ ааптара.
«Саха сирин киэн туттуута-2023» бириэмийэ кыайыылааҕа[1].
Наҕараадалара уонна ытык ааттара
- Саха Өрөспүүбүлүкэтин үөрэҕириитин туйгуна;
- РФ суруналыыстарын сойууһун чилиэнэ;
- РФ үөрэхтээһинин бочуоттаах үлэһитэ
- Бүтэйдээх нэһилиэгин ытык олохтооҕо;
- Гражданскай килбиэн бэлиэ.