Румянцев Василий Гаврильевич
Румянцев Василий Гаврильевич (1931 сыл кулун тутар 19 күнэ, Өспөх нэһилиэгэ, Саха АССР) — саха аатырбыт тустууга, көҥүл тустууга тренерэ.
Олоҕун олуктара
1931 с. II Өспөх нэһилиэгэр төрөөбүтэ. Аҕата Гаврил Кононович Румянцев, булчут. Ийэтэ Дарья Яковлевна — Күүстээх Даарыйа ыһыахтарга тустара.
1951 с. Ленинградка география учууталын идэтигэр үөрэнэ киирбит. Манна саҥа тэнийэн эрэр самбонан дьарыктанар. 1953 с. Ленинград чөмпүйүөнэ буолар. 1955 с. үөрэҕин бүтэрэн кэлээт биир дойдулааҕа Н. Н. Тарскай сүбэтинэн пединститутка көҥүл тустуу бастакы сиэксийэтин тэрийэр. Манна эрчийбит уолаттарыттан Дмитрий Данилов сахалартан бастакы спорт маастара буолбута, Николай Гоголев РСФСР бастакы чөмпүйүөнэ буолбута.
1956 с. ыарахан аҥаардаах ыйааһыҥҥа Саха Өрөспүүбүлүкэтин чөмпүйүөнэ буолар. Салгыы Уһук Илин уонна Сибиир зонатыгар сахалартан аан бастааан бастыыр, РСФСР финаалыгар тустар. Саха Өрөспүүбүлүкэтин 17 төгүллээх чөмпүйүөнэ буолбута[1].
Аатын үйэтитии
- 1991 сылтан Бүлүүгэ д. П. Коркин уонна В. Г. Румянцев бириистэригэр хапсаҕайга өрөспүүбүлүкэтээҕи күрэхтэһии ыытыллар;
- Бүлүү куорат биир уулуссата кини аатынан ааттаммыт;
- 2017 сыллаахха Бүлүүгэ Василий Румянцев аатынан «Эрчим» саҥа спортивнай комплекс аһыллыбыта[2].