Нуучча тылынанАнал бырайыактар
Тылы уларыт
УРУБИИКИ ТУҺУНАН

Данилов Дмитрий Максимович

Дмитрий Максимович Данилов (1935, Үөдэй нэһилиэгэ, Саха АССР — неизвестно; өлбүт күнэ-дьыла биллибэт) — сэбиэскэй спортсмен уонна көҥүл тустууга тириэньэр; ССРС успуордун маастара, Саха АССР үтүөлээх тириэньэрэ[1].

Олоҕун олуктара

1935 сыллаахха Саха АССР Ньурба улууһун Үөдэй нэһилиэгэр төрөөбүтэ. Тустуунан дьарыктаммыта, РСФСР норуоттарын II Спартакиадатыгар (Ленинград, 1959) уонна ССРС чөмпүйэнээтигэр (Таллин, 1961) 73 киилэ ыйааһыҥҥа кыттыбыта. 1959 сыллаахха «Труд» ДСО киин сэбиэтин күрэхтэһиитигэр боруонсаны ылбыта, онно ССРС успуордун маастарын нуорматын толорбута, ол түмүгэр 1960 сыл олунньу 17 күнүгэр саха тустууктарыттан бастакынан успуорт маастара буолбута[1]. 1959 уонна 1964 сылларга Саха АССР чөмпүйүөнүн аатын сүкпүтэ. В. Г. Румянцевка[2] уонна Н. Н. Тарскайга[3] дьарыктаммыта.

Успуорка карьератын түмүктээн баран физкультура учууталынан, Саха АССР Үөрэхтээһинин министиэристибэтин иниспиэктэринэн, «Урожай» ДСО бэрэссэдээтэлинэн, 1977—1979 сс. — Саха сиригэр ССРС судаарыстыбаннай тириэньэринэн үлэлээбитэ.

1979 сылтан 1994 сылга диэри Саха АССР Үөрэх министиэристибэтин иһинэн баар Өрөспүүбүлүкэтээҕи оҕо-ыччат успуорт оскуолатын дириэктэринэн үлэлээбитэ. Ону таһынан судьуйанан үлэлээбитэ — 1964 сыллаахха Дьокуускайга буолбут РСФСР чөмпүйэнээтигэр кылаабынай судьуйа солбуйааччыта этэ.

Өлбүт күнэ-дьыла биллибэт. Дьокуускай куоракка кини аатынан оҕолорго көҥүл тустууга биирдиилээн уонна хамаанданан өрөспүүбүлүкэтээҕи күрэхтэһии ыытыллар[4].

Наҕараадалара

  • РСФСР норуотун үөрэҕэриитин туйгуна;
  • ССРС үөрэхтээһинин туйгуна;
  • Саха Өрөспүүбүлүкэтин физическэй култууратын уонна успуордун үтүөлээх үлэһитэ;
  • Саха Өрөспүүбүлүкэтин XX үйэҕэ успуордун лауреата.

Быhаарыылар

  1. ↑ 1 2 Данилов Дмитрий Максимович. Дата обращения: 24 сентября 2017. Архивировано из оригинала 22 сентября 2017 года.
  2. ↑ Румянцев Василий Гаврильевич. Дата обращения: 24 сентября 2017. Архивировано из оригинала 22 сентября 2017 года.
  3. ↑ Якутский Кубертен — Николай Тарский. Дата обращения: 24 сентября 2017. Архивировано 24 сентября 2017 года.
  4. ↑ В память первого мастера спорта народа Саха Дмитрия Максимовича Данилова

Сигэлэр

Категориялар