Нуучча тылынанАнал бырайыактар
Тылы уларыт
УРУБИИКИ ТУҺУНАН

Романов Виктор Дмитриевич

Романов Виктор Дмитриевич (1984 сыл от ыйын 1 күнэ) — Арассыыйа судаарыстыбаннай диэйэтэлэ, 2023 сыл алтынньы 23 күнүттэн Саха Өрөспүүбүлүкэтин тутууга миниистирэ[1][2].

Олоҕун олуктара

1984 сыллаахха от ыйын 1 күнүгэр төрөөбүт[3].

2006 сыллаахха М. К. Аммосов аатынан Саха судаарыстыбыннай университет (билиҥҥитэ М. К. Аммосов аатынан ХИФУ) Инженернэй-техническэй факультетын бүтэрбит[1].

Үлэтэ

  • 2005—2006 сс.- «Аргыс недвижимость» ХЭУо техник-инвентаризатора;
  • 2006—2007 сс. — «Сахапроект» ААУо тутуу салаатын инженерэ;
  • 2007—2012 сс. — СӨ архитектураҕа уонна тутууга Министиэристибэтин олорор дьиэлэри тутуу салаатын сүрүннүүр специалиһа;
  • 2012—2015 сылларга — СӨ архитектураҕа уонна тутууга Министиэристибэтин олорор дьиэлэри тутуу салаатын салайааччытын солбуйааччыта, онтон салайааччыта;
  • 2015—2019 сс. — СӨ олорор дьиэ коммунальнай хаһаайыстыбатыгар уонна энергетикаҕа министиэристибэтин коммунальнай комплекс уонна стратегическай сайдыы Департаменын салайааччыта;
  • 2019—2021 сс. — СӨ олорор дьиэ коммунальнай хаһаайыстыбатыгар уонна энергетикаҕа миниистирин солбуйааччыта[1];
  • 2021—2023 сс. — СӨ олорор дьиэ коммунальнай хаһаайыстыбатыгар уонна энергетикаҕа миниистирин бастакы солбуйааччыта. Бу кэмҥэ, 2022 сылтан, Донецкай Норуодунай Өрөспүүбүлүкэ Кировскай куоратыгар Саха Өрөспүүбүлүкэтин аатыттан көмө оҥорууга үп хайысхатын уонна өрөмүөннүүр-чөлүгэр түһэрэр үлэлэри салайбыт. 2023 сыллаахха Кировскайга уһун командировкаҕа сылдьыбыт, онно суол, оскуола, оҕо саадтарын өрөмүөннээһинин, Кыайыы Пааркатыгар фонтан тутуутун салайбыт[2].

СӨ тутууга миниистирэ

Саха Өрөспүүбүлүкэтин Баһылыгын 2023 сыл алтынньы 2 күнүнээҕи 29 №-дээх Ыйааҕынан Саха Өрөспүүбүлүкэтин тутууга миниистирин эбээһинэһин толорооччунан анаммыт.

Ол сыл Саха Өрөспүүбүлүкэтин Баһылыгын алтынньы 23 күнүнээҕи 79 №дээх Ыйааҕынан Саха Өрөспүүбүлүкэтин тутууга миниистирин дуоһунаһыгар бигэргэммит[1][2].

Үлэтин сүрүн соруктарынан олорор дьиэлэри тутуу, эргэрбит пуондаттан көһөрүү уонна социальнай эбийиэктэри тутуу былаанын толорууну ааттаабыт[2][4].

2023—2025 сс. үлэтин хайысхалара уонна түмүктэрэ

  • Олорор дьиэлэри тутуу: 2023 сыллаахха өрөспүүбүлүкэҕэ 705 тыһ. м² тахса олорор дьиэ тутуллубут (былаанынан — 650 тыһ. м².). 2024 сыллаахха былаан 690 тыһ. м². буолбут. 2030 сылга бу көрдөрүү 832 тыһ. м² тиийиэхтээх. «Уһук Илин ипотеката» курдук бырагыраамалар баар буолан, биирдиилээн олорор дьиэ тутуутун (ИЖС) элбээбитэ бэлиэтэммит:
  • Хаарбах дьиэттэн көһөрүү бырагыраамата: национальнай бырайыак чэрчитинэн, 2025 сыллаахха 1 мөл. м² тахса хаарбах дьиэттэн 61 тыһыынча гражданскай олорор дьиэни көһөрүү былааннаммыт;
  • Сири-уоту кэлимник сайыннарыы: өрөспүүбүлүкэҕэ 860 тыһ.тыһ. м² куоракка киирэр кыахтаах сир-уот баар. Саамай улахан бырайыак — Дьокуускайга «Спортивнай» микрорайону тутуу (иэнэ 53,16 га). Итини сэргэ «Сулустаах» микрорайоҥҥа уонна да атын социальнай инфраструктуралаах аныгы куорат эйгэтин тэрийиигэ туһуламмыт бырайыактар олоххо киирэллэр;
  • Социальнай эбийиэктэри тутуу: 2024 сыллаахха 76 социальнай эбийиэк киллэриллибит: оскуола, оҕо саадтара, доруобуйа харыстабылын (ол иһигэр Саха өрөспүүбүлүкэтин онкологическай диспансера, Хонууга, Чурапчыга балыыһа комплекстара), спорт уонна культура эбийиэктэрэ[2][4].

Административнай сокуону кэһии

2023 уонна 2024 сылларга В. Д. Романовка сыһыаннаан административнай эппиэтинэскэ тардыы туһунан уураахтар тахсыбыттар:

  • 2023 сыл атырдьах ыйын 8 күнүгэр Дьокуускай куорат суута РФ КоАП 5.59 ыстатыйатыгар көрүллүбүт сокуону кэһиигэ буруйдааҕынан билиммит (дьон этиилэрин көрүү бэрээдэгин кэһии) уонна 5 000 солк. ыстарааптаабыт. Суут миниистир саҥа дьиэҕэ тутуу итэҕэстэрин боппуруоһугар гражданин суругар кэмигэр хоруй биэрбэтэҕэ быһаарыллыбыт;
  • 2024 сыл алтынньытыгар Өрөспүүбүлүкэ прокуратурата РФ КоАП 15.15.3 ыст. 3 ч. административнай эппиэтинэскэ тардыбыт (бюджеттар икки ардыларынааҕы трансфертары биэрии бэрээдэгин уонна/эбэтэр усулуобуйаларын кэһии) уонна 10 000 солк. ыстараап анаабыт. Кэһии СӨ тутууга миниистирэ В. Д. Романов Арассыыйа тутууга уонна ОДЬКХ Министиэристибэтигэр кэмигэр отчуоту туттарбатаҕыттан үөскээбит[5].

Наҕараадалара уонна ааттара

  • Саха Өрөспүүбүлүкэтин Бырабыытылыстыбатын махтал суруга (2012);
  • Арассыыйа тутууга уонна олорор дьиэ-коммунальнай хаһаайыстыбаҕа Министиэристибэтин махтал суруга (2021);
  • Ил Тумэн Бэрэссэдээтэлин махтал суруга (2022);
  • Арассыыйа үөрэҕириитин Министиэристибэтин махтал суруга (2023);
  • Донецкай Норуодунай Өрөспүүбүлүкэ Бырабыытылыстыбатын махтал суруга (2023)[1].

Быһаарыылар

  1. ↑ 1 2 3 4 5 Руководство Министерства: Романов В.Д. (рус.). Официальный информационный портал Республики Саха (Якутия). Сигэнии күнэ: 19 Кулун тутар 2026. Архивировано 1 Бэс ыйын 2023 года.
  2. ↑ 1 2 3 4 5 Не снижая темпов. Виктор Романов — о новой должности, работе и планах Минстроя Якутии (рус.). ЯСИА (23 Алтынньы 2023).
  3. ↑ Сегодня день рождения министра, артистов, журналистов, искусствоведа и лидера землячества (рус.). SakhaLife (1 От ыйын 2025).
  4. ↑ 1 2 Виктор Романов: «Мы реализуем самую масштабную в России программу переселения из непригодного для проживания жилья» (рус.). Вестник Строительства (16 Алтынньы 2024).
  5. ↑ Глава минстроя Якутии нарушил бюджетную дисциплину (рус.). 1sn.ru (21 Алтынньы 2024).

Категориялар