Нуучча тылынанАнал бырайыактар
Тылы уларыт
УРУБИИКИ ТУҺУНАН

Романова Агния Васильевна

Романова Агния Васильевна (1912 сыл от ыйын 15 күнэ, Тырма[d], Хабаровскай кыраай — 1985 сыл бэс ыйын 7 күнэ) — сэбиэскэй учуонай, эбэҥки дьахталларыттан бастакы учуонай, эбэҥки түөлбэ тылларын чинчийээччи, педагогика билимин хандьыдаата.

Олоҕун олуктара

1912 сыллаахха от ыйын 15 күнүгэр Амур уобалаһын Верхнебуреинскай оройуонун Тырма сэлиэнньэтигэр төрөөбүт.

1948 с. — Москватааҕы библиотека институтун бүтэрбит. Ол сыл Красноярскай кыраай Эбэҥки автономиялаах уокуругун Тура бөһүөлэгэр ыытыллан, 1950 сылга диэри культурнай-сырдатар үлэ уокуруктааҕы салаатын сэбиэдиссэйинэн үлэлээбит.

1950—1954 сс. — РСФСР ПНА национальнай оскуолалар билим-чинчийэр институттарын аспирана.

1954 сыллаахха педагогика билимин хандьыдаатыгар «Методика преподавания родного языка в подготовительном классе эвенкийской школы» тиэмэҕэ суруйбут диссертациятын көмүскээбит.

1954—1958 сс. — Хабаровскайдааҕы педагогическай институт хотугу салаатыгар үрдүкү преподаватель, эбэ.

1956 с. — нууча тылын кафедратын дассыана.

1958—1965 сс. — ССРС НА СС Дьокуускайдааҕы филиалын алын билим үлэһитэ.

1965—1970 сс. — үрдүкү билим үлэһитэ.

1970—1972 сс. — ТЛИ Институтын Хоту омуктан филологияларын секторын сэбиэдиссэйэ.

1985 сыллаахха бэс ыйын 7 күнүгэр олохтон туораабыт[1][2][3].

Сүрүн үлэлэрэ

Саха сирин эбэҥкилэрин тылларын, чуолаан Токкотооҕу уонна Айан-Майатааҕы түөлбэ саҥатын үөрэтиигэ анаммыт 20-тэн тахса билим үлэтин ааптара, ол иһигэр:

  • «Учебник по эвенкийскому языку для подготовительного класса» (М.; Л., 1953; в соавт. с А. Ф. Бойцовой).
  • «Очерки говоров токкинских и томмотских эвенков» (М., 1962; в соавт. с А. Н. Мыреевой).
  • «Некоторые фонетические особенности майского и токкинского говора аяно-майских эвенков» (Труды ИЯЛИ. — Якутск, 1963; в соавт. с А. Н. Мыреевой).
  • «Очерки говоров учурских, майских, токкинских эвенков» (Новосибирск, 1964).
  • «Диалектологический словарь эвенкийского языка: По материалам говоров эвенков Якутии» (Новосибирск, 1968; в соавт. с А. Н. Мыреевой).
  • «Фольклор эвенков Якутии» (Новосибирск, 1971).
  • "Взаимовлияние эвенкийского и якутского языков (Новосибирск, 1975; в соавт. с А. Н. Мыреевой и П. П. Барашковым).
  • «Г. М. Василевич — крупный советский тунгусовед» (Якутск, 1965)[1][2].

Быһаарыылар

  1. ↑ 1 2 Национальная библиотека РС(Я). web.archive.org. Сигэнии күнэ: 29 Муус устар 2026.
  2. ↑ 1 2 Ученые-исследователи ИГИ. Справочник. web.archive.org. Сигэнии күнэ: 29 Муус устар 2026.
  3. ↑ Особая территория народов Севера | Словесница Искусств (рус.). www.slovoart.ru. Сигэнии күнэ: 29 Муус устар 2026.

Категориялар