Павлов Иван Михайлович
Павлов Иван Михайлович — Аҕа дойду Улуу сэриитин кыттыылааҕа.
Олоҕун олуктара
1921 сыллаахха тохсунньу 31 күнүгэр Чурапчыга төрөөбүт.
Кыһыл Аармыйаҕа 1942 с. бэс ыйыгар Чурапчы оройуонун военкоматынан ыҥырыллыбыт. Курскай тоҕойго, Прибалтикаҕа, Илиҥҥи Пруссияҕа сэриилэспит, Кенигсберы ылсыбыт. Албан Аат III истиэпэннээх уордьанынан уонна хас даҕаны бойобуой мэтээллэринэн наҕараадаламмыт.
1960-с сыллартан Чурапчы историятын, Чурапчы дьоно Аҕа дойду Улуу сэриитигэр кыттыыларын үөрэтэн, элбэх матырыйаалы хомуйан, түмэн, 20-н тахса кинигэни бэчээттэппит.
И. М. Павлов билигин Мындаҕаайыга олорор.
Наҕараадалара уонна ытык ааттара
- Аҕа дойду сэриитин I ст. уордьана (23.12.1985)[1]
- Албан аат III ст. уордьана (17.03.1945)[2]
- «Бойобуой өҥөлөрүн иһин» мэтээл (11.09.1943)[3]
- «Аҕа дойду Улуу сэриитигэр Германияны кыайыы иһин 1941-1945 сс.» мэтээл
- «Кёнигсберы ылыы иһин» мэтээл
- Саха АССР оскуолатын үтүөлээх учуутала
- П. А. Ойуунускай аатынан Государственнай бириэмийэ лауреата
- Чурапчы улууһун ытык киһитэ (1995)[4]
Аатын үйэтитии
И. М. Павлов аата Чурапчы орто оскуолатыгар иҥэриллибит.
Кинигэлэрэ
- Чурапчы хоhуун хотойдоро: [Мэҥэ кинигэ] / И. М. Павлов. — Чурапчы, 2000. — 83 с.
- Ааттара үйэлэргэ умнуллубат («Чурапчы буойун уолаттара» кинигэни иккистээн, эбэн-сабан, көннөрөн таhаарыы) / И. М. Павлов. — Дь.: СМИК-Мастер, 2010. — 231 с.
- Боотур Уус Аччаҕардара. — РИХ «Саҥа олох», 2014. — 50 экз.
Быһаарыылар
Сигэлэр
- Наталья Захарова. «Боотур Уус Аччаҕардара» саҥа кинигэ сүрэхтэниитэ // Саҥа олох : хаһыат. — 27.03.2014.
- М. Г. Старостин. Өлбөөдүйбэт үйэ аҥаара. — Дь.: Бичик, 1995.