Оҕо кинигэтин каартата
Оҕо кинигэтин каартата (нууч. Детская книжная карта) — 2025 сыл бэс ыйын 5 күнүгэр Арассыыйа норуоттарын тылларын уонна нуучча тылын судаарыстыбаннай бэлиитикэтин өйүүр Сэбиэт мунньаҕар, президент Владимир Путин этии киллэриитинэн, оскуола иннинээҕи саастаах оҕону сайыннарыыга туһуламмыт судаарыстыбаннай программа[1]. Бу программа үлэтэ 2026 сылга саҕаланар[2]. Сэбиэт мунньаҕар этиллибитинэн, 3-тэн 6-гар диэри саастаах оҕоҕо 3000 сууммалаах каарта бэриллэр, ол сууммаҕа оҕоҕо, анал экспертэринэн бигэргэммит, 10-тан кырата суох кинигэ босхо көрүллэр[3][4].
Устуоруйата
2025 сыл бэс ыйын 5 күнүгэр нуучча тылын өйүүр Судаарыстыбаннай бэлиитикэ Сэбиэтин мунньаҕар Арассыыйа президенэ Владимир Путин этии киллэрбит. «Пушкин каартатын»[1] курдук, аны оҕоҕо аналлаах 3000 солкуобай сууммалаах «Оҕо кинигэтин каартатын» киллэриэххэ диэн саҥа хамсааһыны көҕүлээбит. Бу каартанан төрөппүт оҕотугар уйулҕа үөрэхтээхтэринэн, литэрэтиирэ үлэһиттэринэн, оскуола иннинээҕи саастаах оҕолор уһуйааччыларынан бигэргэммит кинигэлэри ылар кыахтаныаҕа[3]. Владимир Путин кинигэ сыаната удамыр буолуохтааҕын уонна биир каартанан 10-тан кырата суох кинигэ атыылаһыллыахтааҕын тоһоҕолоон эппит[1].
Саҥа оҕо каартата олоххо киириитин Арассыыйа Федерациятын үөрэҕириигэ министиэристибэтэ эппиэтинэскэ ылыаҕа[5].
Саҕалааһын
«Оҕо кинигэтин каартата» олоххо киириитэ 2026 сылга былааннанар, сыл ахсын каарта 3000 сууммаҕа туолан иһиэхтээх[2][6]. Президент сүбэһитэ Елена Ямпольская эппитинэн, бу программа оҕону кыра эрдэҕиттэн ааҕыыга уһуйууга төһүү күүс буолуоҕа уонна регионнааҕы кинигэ бэчээттиир тэрилтэлэргэ эмиэ көмөлөһүөҕэ. «Көмүс күлүүс» аатынан сүрэхтиэххэ диэн этии киллэрбит[1].
Хабар иэнэ
Саҥа программа 3-тэн 6-гар диэри саастаах, дойду үрдүнэн уопсайа, 6-7 мөлүйүөн оҕону хабыаҕа[7].