Оконешникова Анастасия Петровна

Анастасия Оконешникова 1941 сыллаахха олунньу 27 күнүгэр Чурапчы улууһугар Мугудай нэһилиэгэр төрөөбүт.

1960 сыллаахха Кытаанах орто оскуолатын бүтэрэн онно баар детсадка иитээччинэн үлэлээбит.

1962 сыллаахха Пермь судаарыстыбаннай педагогическай институтугар педагогика уонна психология факультетыгар үөрэнэ киирэр. Үөрэх сылларыгар биллэр учуонайга С. Мерлин салайыытынан дифференциальнай психология өттүнэн дьарыктаммыт.

1966 сыллаахха Пермь судаарыстыбаннай педагогическай институтугар аспирантураҕа туттарсан киирбит.

1972 сыллаахха Москва судаарыстыбаннай университетыгар кандидатскай диссертациятын көмүскээбит.

1970 сыллаахтан Дьокуускай ил университетыгар билиҥҥигэ дылы үлэлиир, бары кэрдиистэри ааспыт: ассистент, үрдүкү преподаватель, доцент, профессор.

1989 сыллаахха Москва государственнай университетыгар социальнай психология билимин докторыгар диссертациятын көмүскээбит.

1991 сыллаахха Анастасия Оконешниковаҕа профессор үрдүкү учуонай сыбаанньата иҥэриллибитэ.

Саха университетыгар уопсай социальнай психология кафедратын арыйбыт.

Саха Өрөспүүбүлүкэтин конституциятын биир улахан көхтөөх суруйааччыта буолар. Национальнай оскуолаларын концепциятын суруйуутугар кыттыбыт^[1].

280-н тахса араас дойдуларга тахсыбыт билим үлэлэрдээх, ол иһигэр 6 монография, 9 үөрэх пособиета^[1].

• Этнопсихологические особенности народов в воспитании детей. Монография. — Пермь, 1996.
• Межэтническое восприятие и понимание людьми друг друга. Монография. — Пермь, 1999.
• Живая педагогическая ветвь А. Е. Кулаковского. — Якутск, 2002.
• От родного порога в мир общечеловеческих ценностей (программа «Эркээйи» в республике). — Якутск, 2002.
• Этнография детства. Учебное пособие. — Якутск, 2008.
• А. Е. Кулаковскай айымньыларыгар уйулҕа тутулун уонна туругун уратыларын көстүүтэ. Монография. — Якутск, 2008.
• Спортивная психология. Учебник. Под ред. А. П. Оконешниковой. — Москва, 2010.

• РФ үөрэҕириитин туйгуна;
• Саха Өрөспүүбүлүкэтин идэтийбит үөрэхтээһинин туйгуна;
• РФ «Знание» уопсастыбатын «Признание заслуг» уонна «Мастер слова» бэлиэлэрэ;
• «Учууталлар учууталлара» бэлиэ;
• «Физкультураны уонна успуорду сайыннарыыга өҥөтүн иһин» бэлиэ;
• «Дьиэ кэргэн бэлиитикэтин сайыннарыыга кылаатын иһин» бэлиэ;
• Саха уобалаһын Губернатора И. И. Крафт аатынан мэтээл;
• В. А. Роббек аатынан «Хотугу дойду улуу патриота» мэтээл;
• «Labore et scientia — үлэбинэн уонна билиибинэн» уордьан;
• Ил Түмэн Бочуоттаах грамотата;
• ХИФУ ректорын махтал суруга;
• СӨ Үөрэҕириитин министиэристибэтин «Чиэс уонна дьоһун» номинациятын ылбыта;
• Саха Өрөспүүбүлүкэтин билимин үтүөлээх деятелэ;
• Саха Өрөспүүбүлүкэтин ытык киһитэ (2006);
• Российскай Федерация үрдүкү оскуолатын бочуоттаах үлэһитэ;
• В. И. Вернадскай аатынан «За значительный вклад в развитии отечественной науки» мэтээл;
• «Гражданскай килбиэн» бэлиэ^[1].