Нуучча тылынанАнал бырайыактар
Тылы уларыт
УРУБИИКИ ТУҺУНАН

Николаев Степан Васильевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Николаев.

Николаев Степан Васильевич (1951 с. кулун тутар 5 күнэ, Мытаах, Горнай оройуона, Саха АССР), спорт ветерана.

Олоҕун олуктара

1951 с. — кулун тутар 5 күнүгэр Горнай оройуонун Мытаах нэһилиэгэр төрөөбүтэ.

1974 с.- Дьокуускайдааҕы педагогическай училище физкультурнай салаатын бүтэрэр.

1984 с. — Хабаровскайдааҕы государственнай педагогическай университеты бүтэрэр.

1970 с. — интернат иитээччитинэн үлэлээбитэ. Көҥүл тустуу спортивнай секциятын иитиллээччилэригэр элбэх күрэхтэһиини ыыппыта. Сиинэ өрүс устун туристическай походтарга сылдьара.

1974 с. — Сунтаар аҕыс кылаастаах оскуолатыгар физкультура учууталынан 8 сыл үлэлээбитэ. Оччотооҕуга оскуолаҕа спортивнай саала суох буолан, Степан Васильевич бэйэтин холобурунан, спордунан утумнаахтык дьарыктанан, үөрэнээччилэрэ улууска баскетболга, хайыһар спордугар, туризмҥа уонна многоборьеҕа үрдүк ситиһиилэммиттэрэ. 1976 с. Сунтаар аҕыс кылаастаах оскуола 12 үөрэнээччилэринээн 20 км усталаах Кэмпэндээйи үрэҕин устун хайыһарынан, 1977 с. — 16 оҕолоох Сунтаар — Кэмпэндээйи — Сунтаар велосипедынан, 1978 с. 10 оҕололоох Сунтар — Күндэйэ — Харыйалаах — Сунтаар маршрутунан велосипедынан айаннары оҥорбута.

ССКП оройуоннааҕы комитетын этиитинэн 23 №-дээх СПУ директоры иитэр-үөрэтэр чааска солбуйааччытынан ананар. Үлэлиир сылларыгар СПТУ материальнай-техническэй базатын хаҥатыыга улахан үлэни ыыппыта. Үөрэнээччилэрин кытта 50 м усталаах тир, НПВ кабинета, каток, спортивнай площадка туппуттара.

1982 с. — Аҕа дойдутун сэриитигэр Кыайыы 37 сылыгар анаммыт Сунтаар-Маар-Күөл — Арыылаах — Тойбохой — Сунтаар маршрутунан 14 студеннарын кытта хайыһарынан айаҥҥа сылдьыспыта.

1992—2011 сс.- Сунтаардааҕы политехническай интернат физкультураҕа учууталынан үлэлиир.

12 сыл устата Степан Васильевич улуустааҕы баскетбол, волейбол, остуол тенниһин федерацияларын председателинэн үлэлээбитэ.[1][2]

Наҕараадалара, ытык ааттара

  • Саха АССР үөрэҕириитин министиэристибэтин грамотата.
  • Эдэр ыччат, туризм уонна спорт министиэристибэтин грамотата.
  • Саха Өрөспүүбүлүкэтин бырабыытылыстабатын грамотата[1].

Быһаарыылар

  1. ↑ 1 2 Сунтарский политехнический лицей в лицах, событиях, фактах / МБОУ «Сунтарский политехнический лицей — интернат»; [сост.: Е. Е. Семенова, Л. Н. Григорьева, .И.Гаврильева, З. В. Николаева; гл.ред. О. К. Сосин]. _ Якутск : Компания «Дани Алмас», 2013
  2. ↑ Книга педагогической славы Сунтарского улуса / Упр.образования Сунтар.улуса, Информ-метод.центр Сунтар.упр.образования; редкол П. А. Потапов и др. — Якутск : ОАО "Медиа-Холдинг «Якутия», 2010

Сигэлэр

Категориялар