Нуучча тылынанАнал бырайыактар
Тылы уларыт
УРУБИИКИ ТУҺУНАН

Никифорова Виолетта Семёновна

Виолетта Семёновна Никифорова (кыыс эрдэҕинэ Иванова; 1990 сыл атырдьах ыйын 31 күнэ, Дьокуускай) — Арассыыйа гимнаһа, тренер. Дойдулар ыккардыларынааҕы успуорт оонньууларын «Азия оҕолоро» уус уран гимнастикаҕа чөмпүйүөнэ (2004)[1].

Олоҕун олуктара

Виолетта Никифорова 1990 сыллаахха атырдьах ыйын 31 күнүгэр Дьокуускайга төрөөбүт.

Дьокуускайга ДЮСШ № 1 дьарыктаммыта. Бастакы тренера Людмила Коверзнева.

Уус-уран гимнастикаҕа Арассыыйа Олимпийскай эрэллэрин үөрэнээччитинэн буолбута. Тренердара Злата Тулубаева, Ирина Винер, Надежда Шаталина.

2000 сылга «Азия оҕолоро» оонньуларыгар кыттыбыт[2].

Виолетта Иванова 2004 сылга (14 сааһыгар) РФ спордун маастара буолбута.

Бэйэтин уус-уран гимнастикаҕа кулуубун арыйбыта.

2024 сыл олунньутуттан Саха Өрөспүүбүлүкэтин уус-уран гимнастикаҕа сүмээрдэммит хамаандатын старшай тренера[2].

Успуорт ситиһиилэрэ

2004 сылга III «Азия оҕолоро» күрэхтэһиигэ уус уран гимнастикаҕа чөмпүйүөнэ — кыһыл көмүс (многоборье 1990-92 с.т), кыһыл көмүс (лиэнтэ), үрүҥ көмүс (булавалар уонна мээчик), боруонса (скакалка)[3].

Дьиэ кэргэнэ

Бастакы кэргэнэ — Сулустан Заболоцкай, судаарыстыбаннай диэйэтэл[4].

Иккис кэргэнэ — Никифоров Эдгар Николаевич (1988 төр.). Ыал икки уол оҕолоох: Рональд (2017 төр.) уонна Нико (2020 төр.)[5].

Быһаарыылар

  1. ↑ Гимнастка Виолетта Никифорова — об играх «Дети Азии», воспитанницах и ответственности. https://ysia.ru (25 Бэс ыйын 2024). Сигэнии күнэ: 24 Кулун тутар 2026.
  2. ↑ 1 2 Гимнастка Виолетта Никифорова — об играх «Дети Азии», воспитанницах и ответственности. https://ysia.ru. ЯСИА (25 Бэс ыйын 2024). Сигэнии күнэ: 25 Кулун тутар 2026.
  3. ↑ Иванова Виолетта (рус.). gimnastika.pro. Сигэнии күнэ: 25 Кулун тутар 2026.
  4. ↑ Гимнастка Виолетта Иванова поведала подробности скандального развода с Сулустаном Заболоцким (14 Кулун тутар 2012). Сигэнии күнэ: 25 Кулун тутар 2026.
  5. ↑ Виолетта Иванова во второй раз стала мамой. Сигэнии күнэ: 25 Кулун тутар 2026.

Эбии бу тиэмэҕэ

Категориялар