Нахимов уордьана

Нахимов уордьана — Аҕа дойду Улуу сэриитин кэмигэр олохтоммут Сэбиэскэй флот наҕараадата.

Ушаков I уонна II истиэпэннээх уордьаннарын, ону тэҥэ Нахимов I уонна II истиэпэннээх уордьаннарын олохтуур туһунан ССРС Үрдүкү Сэбиэтин Президиумун 1944 сыл кулун тутар 3 күнүнээҕи Ыйааҕынан тэриллибитэ. Ушаков уордьанын кытары тэҥҥэ муора флотун эписиэрдэрин наҕараадалыырга анаан оҥоһуллубута.

Уордьаны архитектор М. А. Шепилевскэй бырайыагынан оҥорбуттара.

Уордьаны И. В. Сталин тус этиитинэн улахан рубиннарынан эбии киэргэппиттэрэ, онон бу ССРС саамай сыаналаах уордьаннарыттан биирдэстэрэ буолбута.