Нуучча тылынанАнал бырайыактар
Тылы уларыт
УРУБИИКИ ТУҺУНАН

Владимир Мункуев

Владимир Мункуев (1987 сыл алтынньы 26 күнэ, Дьокуускай) — Арассыыйа киинэ режиссёра уонна сценариһа. «Нуучча» диэн толору кээмэйдээх киинэтэ Карловы Вары аан дойдутааҕы киинэ бэстибээлин «Арҕааттан илиҥҥэ» күрэстээх сиэксийэтин Гран-при бирииһин уонна «Кинотавр» бэстибээлгэ бастыҥ режиссура иһин бириэмийэни ылбыта[1].

Олоҕун олуктара

1987 сыл алтынньы 26 күнүгэр Дьокуускайга төрөөбүтэ[2]. Төрөппүттэрэ — 1980-с сылларга Дьокуускайга инженер быһыытынан үлэлии кэлбит бүрээттэр[3].

2005 сыллаахха Арктикатааҕы култуура уонна ускуустуба судаарыстыбаннай институтугар «тыйаатыр режиссёра» идэтигэр үөрэнэ киирбитэ, ол эрээри үөрэҕин бүтэрбэтэх[4]. Дьокуускайга телевидение устуудьуйатыгар үлэлээбитэ, таҥыынан дьарыктаммыта[2].

2013 сыллаахха Арассыыйа наркотик эргийиитин хонтуруоллуур федеральнай сулууспатын Саха Өрөспүүбүлүкэтинээҕи салалтатын сорудаҕынан «Наркоконтроль Якутии» диэн социальнай видеоролигы устубута. Бу үлэтэ «Саҥа көрүҥ» диэн Бүтүн Арассыыйатааҕы социальнай реклама куонкуруһугар II миэстэни ылбыта[5].

2017 сыллаахха Москватааҕы киинэ оскуолатын бүтэрбитэ, манна Алексей Петрович Попогребскайтан уонна Борис Игоревич Хлебниковтан уһуйуллубута[6].

Айар үлэтэ

Оонньуулаах киинэҕэ режиссёр быһыытынан дебютунан «Уол оҕото» (2017) диэн криминальнай комедия буолбута[2]. Салгыы «Дьол» (2018) диэн кылгас кээмэйдээх киинэтин устубута, бу үлэтэ Москватааҕы аан дойдутааҕы киинэ бэстибээлин бырагырааматыгар кыттыыны ылбыта[6].

«Нуучча» диэн толору кээмэйдээх киинэтэ поляк суруйааччыта уонна этнографа Вацлав Серошевскай айымньыларыгар олоҕуран уһуллубута[6]. Киинэ ис хоһоонунан, XIX үйэ бүтүүтэ Саха уобалаһыгар саха ыалыгар нуучча хаайыылааҕын дьукаахтыы олордоллор[2].

2022 сыл сайыныгар «Кончится лето» диэн киинэни устан саҕалаабыта. Режиссёр Максим Арбугаевтыын бииргэ үлэлээбиттэрэ; киинэ Саха сиригэр, ол иһигэр Эльдикэҥҥэ, Звёздочкаҕа, Дьокуускайга, Хаандыгаҕа уонна Ньаайбаҕа уһуллубута[4].

Наҕараадалара

  • «Саҥа көрүҥ» Бүтүн Арассыыйатааҕы социальнай реклама күрэҕин II истиэпэннээх бирииһэ (2013)[5];
  • «Арҕааттан илиҥҥэ» сиэксийэҕэ Карловы Вары аан дойдутааҕы киинэ бэстибээлин Гран-при бирииһэ - «Нуучча» киинэ иһин (2021)[7];
  • «Кинотавр» бэстибээл бастыҥ режиссура иһин бирииһэ - «Нуучча» киинэ иһин (2021)[1].

Киинэлэрэ

Режиссёр быһыытынан

  • 2013 — «Наркоконтроль Якутии» (социальнай видеоролик)[5];
  • 2017 — «Уол оҕото»;
  • 2018 — «Дьол» (кылгас кээмэйдээх);
  • 2021 — «Нуучча»;
  • 2025 — «Кончится лето» (Максим Арбугаевтыын бииргэ)[8].

Быһаарыылар

  1. ↑ 1 2 Владимир Мункуев получил приз за режиссуру на «Кинотавре» за драму «Нуучча» (рус.). ТАСС (25 Балаҕан ыйын 2021). Сигэнии күнэ: 11 Атырдьах ыйын 2026.
  2. ↑ 1 2 3 4 Режиссёр Владимир Мункуев — о феномене якутского кино, «Кинотавре» и детстве (рус.). Рамблер/кино (11 Алтынньы 2021). Сигэнии күнэ: 11 Атырдьах ыйын 2026.
  3. ↑ Мункуев, Владимир (рус.). Википедия. Сигэнии күнэ: 11 Атырдьах ыйын 2026.
  4. ↑ 1 2 Владимир Мункуев — об уровне якутского кино, синдроме провинциальности и новом проекте (рус.). ЯСИА. Сигэнии күнэ: 11 Атырдьах ыйын 2026.
  5. ↑ 1 2 3 Автор запрещённых в Якутии роликов получил награду в Госдуме Российской Федерации (рус.). Yakutia.Info (26 Ахсынньы 2013). Сигэнии күнэ: 11 Атырдьах ыйын 2026.
  6. ↑ 1 2 3 Владимир Мункуев: «В Якутии в каждом жителе есть страсть к тому, чтобы делать кино» (рус.). ПрофиСинема. Сигэнии күнэ: 11 Атырдьах ыйын 2026.
  7. ↑ Якутский фильм «Нуучча» взял приз в Карловых Варах (рус.). Российская газета (29 Атырдьах ыйын 2021). Сигэнии күнэ: 11 Атырдьах ыйын 2026.
  8. ↑ Владимир Мункуев (рус.). Кинопоиск. Сигэнии күнэ: 11 Атырдьах ыйын 2026.

Сигэлэр

Эбии бу тиэмэҕэ

Категориялар