Нуучча тылынанАнал бырайыактар
Тылы уларыт
УРУБИИКИ ТУҺУНАН

Арбугаев Максим Германович

Максим Германович Арбугаев (1991 сыл атырдьах ыйын 3 күнэ, Тиксии, Саха ССР) — Арассыыйа документальнай режиссёра, Санденс киинэ бэстибээлигэр «Бастыҥ операторскай үлэ» наҕараада хаһаайына («Генезис 2. 0» киинэ иһин). Эдьиийин Евгения Арбугаевалыын «Выход» диэн документальнай киинэни устубуттара, элбэх бириэмийэни ылбыта уонна 2023 сыллаахха «Оскар» бириэмийэтигэр номинацияламмыта.

Биография

Максим Арбугаев 1991 сыллаахха Тиксигэ төрөөбүтэ. Кини 15 сыл устата профессиональнай хоккеист этэ, онтон кинематографиянан дьарыктанар буолбута. 2018 сыллаахха ВГИК-ы (документальнай киинэ салаата) бүтэрбитэ. Спортка уонна Арктикаҕа сыһыаннаах тиэмэлэргэ киинэ устар. Швейцария режиссера Кристиан Фрайы кытта Арбугаев «Генезис 2. 0» диэн сэлиэ аһыытын булчуттар тустарынан киинэни устубуттара. Санденс киинэ бэстибээлигэр «Бастыҥ операторскай үлэ» наҕараада иҥэрэллибитэ[2].

2022 сыллаахха Арбугаев эдьиийинээн Евгениялыын Лос-Анджелеска ыытыллыбыт 38-с сыллааҕы IDA Documentary Awards бириэмийэтигэр бастыҥ кылгас документальнай киинэ быһыытынан билиниллибит «Выход» киинэни устубуттара[3][4][3], уонна «Киһиэхэ суруктар» киинэ бэстибээлигэр Дани Гуревич аатынан «Бастыҥ операторскай үлэ» бириэмийэтинэн наҕараадаламмыта, «Флаэртиана» документальнай киинэ бэстибээлигэр дьүүллүүр сүбэ анал бэлиэтээһининэн наҕараадаламмыта, «Лавровая ветвь» уус-уран буолбатах киинэ уонна тэлэбиидэнньэ эйгэтигэр XXIII Национальнай бириэмийэ хаһаайына. Бу хартыына «Оскарга» номинацияламмыта[5][6].

Москваҕа олорор.

Фильмография

Оператор

  • 2014 — Арктика великая. Часть первая. Почитание духа огня
  • 2014 — Охотники
  • 2015 — Фантомы
  • 2018 — Генезис 2.0
  • 2022 — Выход
  • 2024 — Мельников
  • 2025 — Кончится лето
  • 2025 — Северный морской путь

Режиссёр

  • 2014 — Охотники
  • 2017 — Бой
  • 2018 — Генезис 2.0
  • 2022 — Выход
  • 2025 — Кончится лето

Сценарист

  • 2022 — Выход

Продюсер

  • 2019 — Земля
  • 2022 — Выход

Дьиэ кэргэнэ

  • Аҕата — Герман Арбугаев, Ангарскайтан төрүттээх, «Чочур Муран» этнография комплексын төрүттээччи;
  • Ийэтэ — Ирина Арбугаева — нуучча тылын уонна литературатын учуутала;
  • Эдьиийэ — Евгения Арбугаева, фотограф, киинэ режиссера;
  • Кэргэннээх, икки оҕолоох (Полина уонна Мирослав).

Быһаарыылар

  1. ↑ Максим Арбугаев — 2025.
  2. ↑ О чем фильм «Выход» якутских режиссеров, номинированный на «Оскар»? (22 Ахсынньы 2022). Сигэнии күнэ: 10 Балаҕан ыйын 2025.
  3. ↑ 1 2 Евгения и Максим Арбугаевы: Темы наших фильмов отразят время, в котором мы живём. Сигэнии күнэ: 10 Балаҕан ыйын 2025.
  4. ↑ «Выход» — есть: какой российский фильм поборется за «Оскар». Сигэнии күнэ: 10 Балаҕан ыйын 2025.
  5. ↑ Фильм «Выход» якутских режиссеров номинировали на «Оскар». Мы поговорили с одним из его авторов. Сигэнии күнэ: 10 Балаҕан ыйын 2025.
  6. ↑ «Оскар-2023»: Номинанты. Сигэнии күнэ: 10 Балаҕан ыйын 2025.

Эбии бу тиэмэҕэ

Категориялар