Нуучча тылынанАнал бырайыактар
Тылы уларыт
УРУБИИКИ ТУҺУНАН

Моисеева Аина Александровна

Аи́на Александровна Моисеева (2002 сыл ыам ыйын 21 күнэ, Хатас) — Саха сириттэн төрүттээх арассыыйа дзюдоист спортсмена[2]. Арассыыйа 2023 сыллаах чөмпүйүөнэ. Арассыыйа кубогын 2026 кыайыылааҕа. Дзюдоҕа спорт маастара[1].

Олоҕун олуктара

Аина Саха Өрөспүүбүлүкэтин Нам улууһун Хатаһыгар төрөөбүтэ[3][2]. Дзюдонан тренерин Дамдиндорж Гомбодорж салалтатынан алын кылаастартан дьарыктанан саҕалаабыта[3][4].

2019 сыллаахха Р. М. Дмитриев аатынан Дьокуускайдааҕы олимпийскай резервэ училищетын бүтэрбитэ[5].

Бүтүн арассыыйатааҕы чөмпүйэнээттэргэ Свердловскай уобалас уонна Саха Өрөспүүбүлүкэтин аатыттан кыттар.

Спортивнай карьерата

Моисеева карьератыгар бастакы кыайыыта - 2016 сыллаахха «Азия оҕолоро» турнирга 44 кг ыйааһыҥҥа үһүс буолбута. 2019 сыллаахха Тулаҕа эдэрдэргэ Европа кубогар боруонса мэтээли ылбыта, 2019 сыл бэс ыйыгар Варшаваҕа эдэрдэргэ Европа хамаанданан күрэхтэһиитигэр үһүс буолбута.

2019 сыл балаҕан ыйыгар Алма-Атаҕа ыытыллыбыт аан дойду күрэхтэһиитигэр боруонса мэтээли ылбыта. 2019 сыл сэтинньитигэр Красноярскайга 21 саастарыгар диэри эдэрдэргэ арассыыйа күрэхтэһиитин кыайыылааҕа буолбута[4].

2021 сыл кулун тутарыгар 23 саастарыгар диэри Арассыыйа күрэхтэһиитигэр кыттыбыта, онно боруонса мэтээли ылбыта. 2021 сыл сайыныгар Казань куоракка СНГ дойдуларын Бастакы оонньууларын боруонса призера буолбута. 2021 сыл сэтинньитигэр Екатеринбуга эдэрдэргэ Арассыыйа күрэхтэһиитин иккис төгүлүн кыайбыта[2].

2022 сыл кулун тутарыгар Моисеева 23 саастарыгар диэри эдэрдэргэ Арассыыйа күрэхтэһиитигэр (нууч.) (сах. үһүс миэстэни ылбыта. 2022 сыл сэтинньитигэр арассыыйатааҕы улахан дьон чөмпүйэнээтигэр боруонса мэтээли ылбыта.

2023 сыл кулун тутарыгар 23 саастарыгар диэри Арассыыйа вице-чөмпүйүөнэ буолбута, финалга биир кулуубка дьарыктанар кыыһыгар Кристина Дудинаҕа хотторбута. Атырдьах ыйын бүтүүтүгэр Университет спордун аан дойдутааҕы бэстибээлигэр (нууч.) (сах. үрүҥ көмүһү ситиспитэ. 2023 сыл алтынньытыгар аан бастаан улахан дьон ортотугар Арассыыйа чөмпүйүөнэ буолбута[6].

2024 сыллаахха муус устар 16-21 күннэригэр Красноярскайга буолбут 23 саастарыгар диэри эдэрдэргэ дзюдоҕа арассыыйа күрэхтэһиитин боруонса призера[7]. 2024 сыллаахха ыам ыйын 25-26 күннэригэр Хабаровскай куоракка ыытыллыбыт "Russian Judo Tour" профессиональнай күрэхтэһии сериятын түһүмэҕэр эр дьон уонна дьахталлар ортолоругар дзюдоҕа Аан дойдутааҕы күрэхтэһии үрүҥ көмүс призера буолбута[8]. Ыам ыйын 3-5 күннэригэр Таджикистан Душанбетыгар дзюдоҕа аан дойдутааҕы "Улахан шлем" эр дьоҥҥо уонна дьахталларга күрэхтэһиилэрин боруонса призера[9]. Эр дьон уонна дьахталлар ортолоругар 2024 сыллааҕы Арассыыйаҕа Казаньҥа бэс ыйын 12-23 күннэригэр ааспыт "Брикс Оонньууларыгар" дзюдоҕа аан дойдутааҕы күрэхтэһии боруонса мэтээлин хаһаайына[10]. 2024 сыл алтынньытыгар Сараево Босния уонна Герцеговинатыгар эр дьон уонна дьахталлар ортолоругар дзюдоҕа Европа Кубогын боруонса призера буолбута[11].

2025 сыл ыам ыйыгар Хабаровскайга В.С. Ощепков кэриэһигэр аан дойдутааҕы турнирга, Russian Judo Tour сериятын бастакы түһүмэҕэр үрүҥ көмүс мэтээли ылбыта[12]. Алтынньыга Екатеринбурга Арассыыйа чөмпүйэнээтигэр үрүҥ көмүс призер буолбута[13]. Сараевоҕа Европа кубогар эмиэ үрүҥ көмүс наҕарааданы ылбыта[14]. Ахсынньыга Череповец куоракка Арассыыйа кубогар кыайыыны ситиспитэ[15].

2026 сыллаахха бэс ыйын 19 күнүгэр Кызылга дзюдоҕа Арассыыйа кубогар 48 кг диэри ыйааһыҥҥа кыһыл көмүс мэтээли ылбыта[16].

Спортка ситиһиилэрэ

  • 2019 Эдэрдэргэ Европа кубога (Тула, Арассыыйа) — 3;
  • 2019 Эдэрдэргэ Европа күрэхтэһиитэ (хамаанда) — 3;
  • 2019 эдэрдэр ортолоругар аан дойду күрэхтэһиитэ — 3;
  • 2019, 2021 эдэрдэргэ Арассыыйа күрэхтэһиитэ — 1;
  • 2021 СНГ дойдуларын I оонньуулара — 3;
  • 2021, 2022 Арассыыйа 23 саастарыгар диэри күрэхтэһиитэ — 3;
  • 2023 Арассыыйа 23 саастарыгар диэри күрэхтэһиитэ — 2;
  • 2023 Университет спордун Аан дойдутааҕы фестивала — 2;
  • 2022 Арассыыйа чөмпүйэнээтэ — 3;
  • 2023 Арассыыйа чөмпүйэнээтэ — 1;
  • 2024 эдэрдэргэ Арассыыйа күрэхтэһиитэ — 3;
  • 2024 Russian Judo Tour — 2;
  • 2024 аан дойдутааҕы "Улахан шлем" күрэхтэһиитэ — 3;
  • 2024 "Брикс Оонньуулара" аан дойдутааҕы күрэхтэһии — 3;
  • 2024 Европа Кубога — 3;
  • 2025 Russian Judo Tour (бастакы түһүмэх) — 2;
  • 2025 Арассыыйа чөмпүйэнээтэ — 2;
  • 2025 Европа кубога (Сараево) — 2;
  • 2025 Арассыыйа Кубога — 1;
  • 2026 Арассыыйа Кубога — 1[17].

Тус олоҕо

Аина Моисеева билигин М. К. Аммосов аатынан Хотугулуу-Илиҥҥи федеральнай университекка тренер идэтигэр үөрэнэр[6].

Быһаарыылар

  1. ↑ 1 2 3 Моисеева Аина. judo66.ru. Сигэнии күнэ: 24 Сэтинньи 2021. Архивировано 13 Атырдьах ыйын 2025 года.
  2. ↑ 1 2 3 Дзюдоистка из Якутии Аина Моисеева выиграла первенство России. ysia.ru. Сигэнии күнэ: 20 От ыйын 2026. Архивировано 4 Алтынньы 2023 года.
  3. ↑ 1 2 Якутянка Аина Моисеева стала двукратной чемпионкой России по дзюдо. yakutia-daily.ru. Сигэнии күнэ: 20 От ыйын 2026. Архивировано 11 Алтынньы 2023 года.
  4. ↑ 1 2 Золотой дебют. Аина Моисеева стала чемпионкой первенства России по дзюдо. ysia.ru. Сигэнии күнэ: 20 От ыйын 2026. Архивировано 4 Алтынньы 2023 года.
  5. ↑ Моисеева Аина Александровна – дзюдо (рус.). sakha-korotov.ru. Сигэнии күнэ: 6 От ыйын 2026.
  6. ↑ 1 2 Студентка СВФУ Аина Моисеева стала чемпионкой России по дзюдо. yk24.ru. Сигэнии күнэ: 20 От ыйын 2026.
  7. ↑ Первенство России по дзюдо среди юниоров и юниорок до 23 лет 16-21 апреля 2024 года г. Красноярск – ФДСО (рус.). judo66.ru. Сигэнии күнэ: 2 Атырдьах ыйын 2026.
  8. ↑ Международные соревнования по дзюдо среди мужчин и женщин, посвященные памяти В.С. Ощепкова - этап серии профессиональных соревнований "Russian Judo Tour" 25-26 мая 2024 года г. Хабаровск – ФДСО (рус.). judo66.ru. Сигэнии күнэ: 2 Атырдьах ыйын 2026.
  9. ↑ Большой шлем Таджикистан - Душанбе | 2024-05-03-2024-05-05(биллибэт). judo.ru. Сигэнии күнэ: 2 Атырдьах ыйын 2026.
  10. ↑ Подведены итоги выступления сборной России по дзюдо на Играх БРИКС 2024 в Казани | Новости | Российский Стадион - информационное агентство. stadium.ru. Сигэнии күнэ: 2 Атырдьах ыйын 2026.
  11. ↑ Российские дзюдоисты завоевали шесть медалей на Открытом Кубке Европы | Центр спортивной подготовки сборных команд России (рус.). sport-teams.ru. Сигэнии күнэ: 2 Атырдьах ыйын 2026.
  12. ↑ Представители 18 стран приняли участие в первом этапе Russian Judo Tour в Хабаровске. tass.ru. ТАСС (25 Ыам ыйын 2025). Сигэнии күнэ: 20 От ыйын 2026.
  13. ↑ Ендовицкий, Билалов и Гилязова завоевали золото ЧР по дзюдо. rsport.ria.ru. РИА Новости Спорт (18 Алтынньы 2025). Сигэнии күнэ: 20 От ыйын 2026.
  14. ↑ Моисеева стала серебряным призером Кубка Европы по дзюдо. rsport.ria.ru. РИА Новости Спорт (26 Алтынньы 2025). Сигэнии күнэ: 20 От ыйын 2026.
  15. ↑ Более 300 дзюдоистов сразились в Череповце на Кубке России. tass.ru. ТАСС (7 Ахсынньы 2025). Сигэнии күнэ: 20 От ыйын 2026.
  16. ↑ Аина Моисеева принесла Якутии золото Кубка России по дзюдо в Кызыле. Сигэнии күнэ: 20 От ыйын 2026.
  17. ↑ Моисеева Аина – ФДСО (рус.). judo66.ru. Сигэнии күнэ: 2 Атырдьах ыйын 2026.

Сигэлэр

Эбии бу тиэмэҕэ

Категориялар