Нуучча тылынанАнал бырайыактар
Тылы уларыт
УРУБИИКИ ТУҺУНАН

Мацкепладзе Кондрат Барнабович

Мацкепладзе Кондрат Барнабович (1908 сыл балаҕан ыйын 8 күнэ, Гелати (Ткибульский муниципалитет)[d], Имеретия[d] — 1981) — сэбиэскэй горняк, «Главзолото» оҥорон таһаарыы салаатын салайааччыта. Өймөкөөн улууһугар көмүһү хостуур бырамыысылыннас төрүттээччилэртэн биирдэстэрэ, Социалистыы Үлэ Дьоруойа.

Олоҕун олуктара

1908 сыллаахха Тифлис губерниятын Гелаты сэлиэнньэтигэр (билигин Грузияҕа Ткибул оройуона) бааһынай дьиэ кэргэҥҥэ төрөөбүт.

Сэттэ кылаастаах оскуоланы бүтэрэн, Кутаиси — Цхалтубо ыккардынааҕы шоссейнай суол тутуутугар үлэлээбит, онтон Тквибул оройуонугар чох хостуур тэрилтэлэригэ хатыылааччынан, забойщигынан, бурильщигынан, кэлин ударнай комсомольскай биригээдэ биригэдьииринэн үлэлээбит.

1925 сыллаахха Москубатааҕы хайа академиятыгар үөрэнэ киирбит. 1938 сыллаахха Москубатааҕы хайа институтун (билигин МИСиС НИТУ Хайа института) бүтэрэн баран, ССРС Наркомтяжпромун «Главруда» тириэһигэр инженеринэн үлэлээбит.

1932 сыллаахтан Уһук Хоту ыытыллан, шахталарга үлэлээбит.

1939 сыллаахха Магадаан уобалаһыгар Соҕурууҥҥу (кэлин Ягодинскай) хайа бырамыысылыннаһын дьаһалтатын «Пятилетка» бириискэтин сүрүн инженеринэн анаммыт.

1941 сылтан Тенькинскайдааҕы (Магадаан уобалаһа) хайа бырамыысылыннаһын дьаһалтатын иһинэн саҥа аһыллыбыт Будённай аатынан бириискэҕэ сүрүн инженеринэн үлэлээбит. Үс сыл устата судаарыстыбаннай былааннары ситиһиилээхтик толорбут .

Магадаан уобаластааҕы үлэһиттэр дьокутааттарын Сэбиэтин дьокутаатынан талылла сылдьыбыт.

1944 сыллаахха Саха сиригэр ыытыллыбыт, онно Өймөкөөн улууһугар Индигир хайа бырамыысылыннаһын дьаһалтатын иһинэн «Маршальскай» бириискэҕэ сүрүн инженеринэн үлэлээбит.

1954 сыллаахха «Индигирзолото» хайа хостуур кэмбинээт сүрүн инженеринэн анаммыт.

ССРС Үрдүкү Сэбиэтин Президиумун 1961 сыл бэс ыйын 9 күнүнээҕи ыйааҕынан өҥнөөх металлургияны сайыннарыыга ситиһиилэрин иһин Мацкепладзе Кондрат Барнабович Ленин уордьанын уонна «Сиэрпэ уонна балта» кыһыл көмүс мэтээлин туттарыылаах Социалистыы Үлэ Дьоруойун аатын ылбыт.

1962 сылтан Саха АССР Саха, онтон Хотугулуу-Илиҥҥи совнархозтарын бэрэссэдээтэлин солбуйааччытынан үлэлээбит.

1966 сылтан ССРС өҥнөөх металлургияҕа Министиэристибэтин кыһыл көмүс, платина уонна алмаас бырамыысылыннаһын («Главзолото») Сүрүн дьаһалтатын оҥорон таһаарыы салаатын салайааччытынан үлэлээбит.

1972 сыллаахха пенсияҕа тахсыбыт.

Балаҕан ыйын 19 күнүгэр 1981 сыллаахха өлбүт[1].

Наҕараадалара уонна ытык ааттара

  • «Үлэҕэ ураты буолуу иһин» мэтээл (11.01.1941);
  • Үлэ Кыһыл Знамятын уордьана (17.01.1943);
  • «Бойобуой өҥөлөрүн иһин» мэтээл (30.01.1951);
  • Кыһыл Сулус Уордьана (20.3.1952);
  • «Бочуот Бэлиэтэ» уордьан (01.10.1957);
  • Икки Ленин уордьана (27.12.1954, 09.6.1961),
  • Социалистыы Үлэ Дьоруойа (09.6.1961);
  • «Сиэрпэ уонна балта» кыһыл көмүс мэтээл (09.6.1961);
  • Өймөкөөн улууһун Ытык олохтооҕо[1].

Аатын үйэтитии

Кини аатынан Өймөкөөн улууһун Уус-Ньара бөһүөлэгэр уулусса ааттаммыт[1].

Быһаарыылар

  1. ↑ 1 2 3 Мацкепладзе Кондрат Барнабович. warheroes.ru. Сигэнии күнэ: 5 Кулун тутар 2026.

Сигэлэр

Категориялар