Нуучча тылынанАнал бырайыактар
Тылы уларыт
УРУБИИКИ ТУҺУНАН

Мацкевич Владимир Михайлович

Мацкевич Владимир Михайлович (1929 сыл олунньу 26 күнэ, Сидоровскай нэһилиэк[d], Кострома уобалаhа — 1986, Дьокуускай) — Дьокуускайдааҕы массыына тырааныспарын салайыытын суоппара, Социалистическай Үлэ Дьоруойа[1][2].

Олоҕун олуктара

1929 сыллаахха олунньу 26 күнүгэр Кострома уобалаһын Волгореченскай куоратыгар төрөөбүтэ.

14 сааһыттан үлэлээн саҕалаабыта: 1943 сылтан ИДьМ гараһыгар көмөлөһөөччү үлэһитинэн, 1945 сылтан суоппарынан үлэлээбитэ. 1950—1953 сылларга Сэбиэскэй Аармыйаҕа сулууспалаабыта.

1953 сылтан Дьокуускайдааҕы 1-кы нэмиэрдээх автоколоннаҕа үлэлээбитэ. Сылнааҕы былаанын 200 сыыппараҕа диэри тиэрдэн толороро, аварията суох сылдьара, матырыйааллары кэмчилээһини хааччыйара.

ССРС Үрдүкү Сүбэтин Президиумун 1966 сыл алтынньы 5 күнүнээҕи Ыйааҕынан Мацкевич Владимир Михайловичка Социалистическай Үлэ Дьоруойун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.

КПСС Дьокуускайдааҕы горкомун чилиэнинэн талылла сылдьыбыта.

Наҕараадалара уонна ытык ааттара

  • Социалистическай Үлэ Дьоруойа (1966)[3];
  • Үлэ Албан аатын 3-с истиэпэннээх уордьана (22.4.1975);
  • Дьокуускай куорат ытык олохтооҕо (22.6.1982);
  • Ленин уордьана (5.10.1986);
  • «РСФСР бочуоттаах автотранспортнига» бэлиэ[1][2].

Аатын үйэтитии

  • Владимир Мацкевич аата Москваҕа дьоруой-суоппардар пааматынньыктарыгар суруллубут[4].

Быһаарыылар

Сигэлэр

Категориялар