Махаров Егор Михайлович
Махаров Егор Михайлович 1938 сыл ыам ыйын 2 күнэ, Халбаакы нэһилиэгэ, Саха АССР — бөлүһүөпүйэ билимин дуоктара. СГУ бөлүһүөпүйэ кафедратын сэбиэдиссэйэ. Саха Өрөспүүбүлүкэтин Билимин Академиятын академига[1].
Олоҕун олуктара
1938 сыллаахха ыам ыйын 2 күнүгэр Бүлүү улууһун Халбаакы нэһилиэгэр төрөөбүт.
1957 с. үлэтин Усуйаана оройуонугар Тумат оскуолатын учууталынан саҕалаабыт.
Өссө биир кыһын Дьүкээгир нэһилиэгэр булчуттар оҕолорун үөрэппит.
1966 сыллаахха СГУ-ну, 1973 — МГУ аспирантуратын, 1991 — Россиятааҕы салайыы Академиятын докторантуратын бүтэрбит. Саха Билимин Академиятын чилиэнэ.
Саха Өрөспүүбүлүкэтин Миниистирдэрин Сэбиэтигэр, онтон — үрдүкү оскуолаҕа, наукаҕа уонна техническэй бэлиитикэҕэ Судаарыстыбаннай кэмитиэккэ үлэлээбит.
1992-1995 сс. - Саха сиринээҕи Билим киинин Президиумун бэрэссэдээтэлин солбуйааччыта.
1996 сылтан - Саха Өрөспүүбүлүкэтин билимин Академиятын дьиҥнээх чилиэнэ.
Саха государственнай университетын история-юриспруденция факультетын декана, ону тэҥэ СӨ Билимин Академиятын гуманитарнай чинчийии Институтун директорын солбуйааччытынан үлэлии сылдьыбыт.
Билигин Саха Билим киинин философияҕа кафедратын сэбиэдиссэйэ.
«Наука и техника в Якутии» сурунаал редакция коллегиятын чилиэнэ.
Азия философтарын Ассоциациятын чилиэнэ, Америка «Универсальный диалог» философия ассоциациятын чилиэнэ.
СӨ Билимин Академиятын гуманитарнай наукаларга ОУС чилиэнэ.
Наҕараадалара уонна ытык ааттара
- Саха өрөспүүбүлүкэтин билимин үтүөлээх диэйэтэлэ (2007);
- Арассыыйа Федерациятын үрдүкү профессиональнай үөрэхтээһинин бочуоттаах үлэһитэ;
- Саха Өрөспүүбүлүкэтин Билимин Академиятын дьиҥнээх чилиэнэ (академик) (1996);
- Арассыыйа Федерациятын социальнай билимнэрин Академиятын дьиҥнээх чилиэнэ[2].
Сүрүн үлэлэлэрэ
- Проблема человека в истории философии. — (М., 1984)
- Методология комплексного исследования человека. — (М., 1991)
- Философия человека. — (Дьокуускай, 1994)
- Духовная ситуация времени и толерантность. — (Дьокуускай, 1995)
- Философия человеческого общества. — (М., 1999)