Нуучча тылынанАнал бырайыактар
Тылы уларыт
УРУБИИКИ ТУҺУНАН

Лукин Тимофей Спиридонович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Лукин.

Лукин Тимофей Спиридонович (1913, Сатаҕай — 1980 сыл муус устар 15 күнэ, Сатаҕай, Саха АССР) — биллиилээх сылгыһыт, Социалистыы Үлэ Дьоруойа.

Олоҕун олуктара

1914 сыллаахха Амма улууһун Сатаҕай нэһилиэгэр дьадаҥы бааһынай дьиэ кэргэнигэр төрөөбүт.
1931 сыллаахха саҥа тэриллибит «Саҥа дэриэбинэ» холкуоска киирбит. Сотору кэминэн биригэдьииринэн, салалта чилиэнинэн талыллыбыт.
1942—1946 сс. — Кыһыл Аармыйа кэккэтигэр сулууспалаабыт.
1946 сыллаахха «Саҥа дэриэбинэ» колхоз сылгы ферматын сэбиэдиссэйинэн анаммыт.

ССРС Үрдүкү Сүбэтин 1949 сыл бэс ыйын 30 күнүнээҕи Ыйааҕынан сүөһү иитиитигэр үрдүк көрдөрүүлэрин иһин Тимофей Спиридонович Лукиҥҥа Социалистическай Үлэ Дьоруойун аата иҥэриллибитэ.

Саха АССР Үрдүкү Сүбэтин III уонна IV ыҥырыыларын дьокутаатынан талылла сылдьыбыт.
Пенсияҕа тахсыбытын кэннэ төрөөбүт нэһилиэгэр олорбут, 1980 сыллаахха өлбүтэ[1][2].

Наҕараадалара уонна ытык ааттара

  • Социалистическай Үлэ Дьоруойа (1949);
  • Ленин уордьана (1949);
  • Амма улууһун ытык киһитэ[1].

Аатын үйэтитии

  • Биллиилээх сылгыһыт таһаарыылаах үлэтин туһунан суруйааччы Күннүк Уурастыырап суруйбут;
  • Сатаҕай нэһилиэгин Тыа хаһаайыстыбатын кооператива Т.С. Лукин аатын сүгэр;
  • Т.С. Лукин аатынан Сатаҕайга уулусса ааттаммыт;
  • 2015 сыллаахха Сатаҕай сэлиэнньэтигэр Т.С. Лукин аатынан ааттаммыт сквергэ аттаах сылгыһыт скульптуратын туруорбуттар (ааптар - Алексей Петрович Скрябин);
  • 2022 сыллаахха Накыын урууда хостонор сириттэн булуллубут 55,07 караттаах бөдөҥ ювелирнай алмааска «Саха АССР 100 сылыгар анаан 100 ааттаах алмаас» бырайыак чэрчитинэн Т.С. Лукин аата иҥэриллибит. Алмаас Дьокуускайга «Россия – моя история» түмэл туоруоруутугар баар[3][1].

Литература

Герои Социалистического Труда Якутской АССР: Биобиблиогр. справ. — Якутск, 1987. — С. 93—94.

  1. ↑ 1 2 3 Герой Труда коневод –табунщик Тимофей Лукин, Улус Медиа (21 Кулун тутар 2024). Сигэнии күнэ: 19 Олунньу 2026.
  2. ↑ Высшая степень отличия за труд: фотографии с награждения Тимофея Спиридоновича Лукина, Улус Медиа (4 Сэтинньи 2024). Сигэнии күнэ: 19 Олунньу 2026.
  3. ↑ Алмазу весом 55,07 карат присвоено имя Героя Социалистического Труда Тимофея Лукина — Yakutia-daily.ru, Yakutia-Daily.ru — свежие новости Якутии и Якутска – все важное и интересное (2 Атырдьах ыйын 2022). Сигэнии күнэ: 19 Олунньу 2026.

Категориялар