Нуучча тылынанАнал бырайыактар
Тылы уларыт
УРУБИИКИ ТУҺУНАН

Лаптев Егор Семёнович

Егор Семёнович Лаптев (1930 сыл ыам ыйын 2 күнэ, Сиэн Күөл, Саха АССР — 1997 сыл атырдьах ыйын 22 күнэ) — сэбиэскэй уонна арассыыйатааҕы саха суруйааччыта.

1993 сылтан Саха Өрөспүүбүлүкэтин суруйааччыларын сойууһун чилиэнэ, Саха Өрөспүүбүлүкэтин тыатын хаһаайыстыбатын үтүөлээх үлэһитэ[1].

Олоҕун кэрчиктэрэ

1930 сыллаахха ыам ыйын 2 күнүгэр Орто Халыма улууһугар балыксыт дьиэ кэргэнигэр төрөөбүтэ[1][2].

Тыа сиригэр култуурунай-сырдатар үлэ тэрийээччитин орто анал үөрэҕин ылбыта[1]. Араас сылларга Ааҕар балаҕан сэбиэдиссэйинэн, кулууп дириэктэринэн, маҕаһыыҥҥа атыыһытынан, холкуос бэрэссэдээтэлинэн, сопхуоска салаа салайааччытынан, сельсовет бэрэссэдээтэлинэн, Ойуһардаахтүмэлин дириэктэринэн үлэлээбитэ[1][2].

1997 сыллаахха атырдьах ыйын 22 күнүгэр өлбүтэ[1].

Айымньылара

Сахалыы уонна нууччалыы тылынан тахсыбыт хоһооннор хомуурунньуктарын ааптара. 1985 сыллаахха оҕолорго аналлаах «Моя Колыма» диэн хоһооннорун кинигэтэ нуучча тылынан бэчээттэнэн тахсыбыта[3]. 1993 сыллаахха «Халымам» уонна «Ырыа Чөкөөттүүр», ону таһынан «Халыма халлаанын анныгар» диэн хомуурунньуктара күн сирин көрбүттэрэ[2]. Айымньыларын сүрүн тиэмэтэ — Халыма айылҕата уонна дьонун-сэргэтин олоҕо[2].

Наҕараадалара уонна ытык ааттара

  • Саха Өрөспүүбүлүкэтин Суруйааччыларын сойууһун чилиэнэ (1993)[1][2];
  • Саха Өрөспүүбүлүкэтин тыатын хаһаайыстыбатын үтүөлээх үлэһитэ[1][2];
  • Үлэ Кыһыл Знамята уордьан кавалера[1][2].

Быһаарыылар

  1. ↑ 1 2 3 4 5 6 7 8 Лаптев Егор Семёнович (рус.). Писатели Якутии. Сигэнии күнэ: 22 От ыйын 2026.
  2. ↑ 1 2 3 4 5 6 7 Лаптев Егор Семёнович (рус.). Национальная библиотека РС(Я). Сигэнии күнэ: 22 От ыйын 2026.
  3. ↑ Моя Колыма (рус.). Национальная электронная библиотека. Сигэнии күнэ: 22 От ыйын 2026.

Библиография

  • Моя Колыма. Хоһооннор. Орто уонна улахан саастаах оскуола оҕолоругар. — Дьокуускай: Кинигэ кыһата, 1985. — 14 с.
  • Халымам. Хоһооннор. — Дьокуускай, 1993.
  • Ырыа Чөкөөттүүр. Хоһооннор, номохтор, поэмалар. — Дьокуускай, 1993.
  • Халыма халлаанын анныгар. Хоһооннор. — Дьокуускай, 1993.
  • Халыма номохторо. — Орто Халыма, 1997.

Категориялар