Нуучча тылынанАнал бырайыактар
Тылы уларыт
УРУБИИКИ ТУҺУНАН

Лавернова Айталина Яковлевна

Айталина Яковлевна Лавернова (1990 сыл алтынньы 25 күнэ, Амма (улуус киинэ), Саха ССР) — арассыыйатааҕы тыйаатыр уонна киинэ артыыһа. П. А. Ойуунускай аатынан академическай Саха тыйаатырын артыыһа.

Олоҕун олуктара

1990 сыллаахха алтынньы 25 күнүгэр Амма улууһун Амма сэлиэнньэтигэр төрөөбүтэ.

2013 сыллаахха Арктикатааҕы ускуустуба уонна култуура судаарыстыбаннай институтун «артыыс ускуустубата» хайысхатынан «дыраама тыйаатырын уонна киинэ артыыһа» идэтинэн бүтэрбитэ. Ол сыл П. А. Ойуунускай аатынан Саха академическай тыйаатырын артыыһа буолбута[1][2].

Айар үлэтэ

Тыйаатырга оруоллара

  • «Учуутал» — үөрэнээччи;
  • «Три реалиста» — устудьуон кыыс;
  • «Оҕоҕо баҕарбыт» — Ааныс;
  • «Сэмтэнэй уонна Пэлэм-Пэлэм» — Пэлэм-Пэлэм;
  • «Альберти циркэтэ» — Анна;
  • «Маленький принц» — Сардаана сибэкки;
  • «Хара кыталык» — Рая;
  • «Кыталыктар кырдаллара» — девушка-стерх;
  • «Илиир хоруол» — Корделия;
  • «Лоокуут уонна Ньургуһун» — Ньургуһун;
  • «Ревизор» — Марья Антоновна;
  • «Манчаары» — Матрена;
  • «Юбилей» — Татьяна Алексеевна Шипучина;
  • «Мамаша Кураж уонна кини оҕолоро» — Катрин;
  • «Ассоль. Алые паруса» — Ассоль;
  • «Дьылҕа» — Марфа;
  • «Максим» — Лена[1].

Киинэҕэ оруоллара

  • «Дьулур: мас-рестлинг» (2021) — Вера;
  • «Тыгын Дархан» (2020) — Тыаһааны;
  • «Кэрэл» (2017) — Кэрэл;
  • «Дьикти саас» (2013);
  • «Эрчим уонна Ким» (2013);

Наградалара

  • «Киношок» XXVI Аhаҕас Арассыыйа бэстибээлин сүрүн бирииһэ («Кэрэл» киинэҕэ оруолун иһин)[1].

Дьиэ кэргэнэ уонна тус олоҕо

  • Кэргэнэ — Вячеслав Лавернов, Саха академическай тыйаатыр артыыһа[3].

Институкка үөрэнэ сылдьан билсибиттэр, төрдүс кууруска ыал буолбуттар, бэсис кууруска уол оҕоломмуттар[3].

Иккиэн бииргэ «Лоокуут уонна Ньургуһун» уонна «Ла-ла Дьыл» испэктээктэргэ оонньообута[3].

Быһаарыылар

  1. ↑ 1 2 3 Состоялась творческая встреча с любимыми актерами (рус.). Якутский колледж культуры и искусств. Сигэнии күнэ: 24 Бэс ыйын 2026.
  2. ↑ Лавернова Айталина Яковлевна (рус.). Кино-Театр.Ру. Сигэнии күнэ: 24 Бэс ыйын 2026.
  3. ↑ 1 2 3 Вячеслав и Айталина Лаверновы: Слушайте своё сердце (рус.). YSIA.RU. Сигэнии күнэ: 24 Бэс ыйын 2026.

Эбии бу тиэмэҕэ

Категориялар