Нуучча тылынанАнал бырайыактар
Тылы уларыт
УРУБИИКИ ТУҺУНАН

Кононов Конон Евсеевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Кононов.

Кононов Конон Евсеевич (1933-87) — ботаник-географ, биология билимин дуоктара, ССРС үрдүкү оскуолатын туйгуна.

Үөһээ Бүлүү улууһун Тойоку сэлиэнньэтигэр 1933 сыллаахха төрөөбүт. Ленинградтааҕы үнүбэрсиэт география факультетын 1958 сыллаахха бүтэрбит. СГУ Биология-география факультетын география кафедратын сэбиэдиссэйэ, СГУ геоботаника лабораториятын тэрийээччитэ, сэбиэдиссэйэ. 1982 сыллаахха МГУ-га «Өлүөнэ өрүс тардыытын хонууту үүнээйитин экологията» диэн тиэмэҕэ дуоктар диссэртээссийэтин көмүскээбитэ.

Чинчийэр үлэтин сүрүн хайысхалара: геоботаника, үүнээйи экологията, үүнээйи экофизиологията, үүнээйи картографированиета. Өлүөнэ-Амма ыккардын алаастарын уунан толорууга, айгыраабыт куйаары (степь) булкаас сиэмэни ыһыы ньыматынан барҕардыыга, сир баайын хостооһун кэнниттэн сири сөргүтүүгэ үлэлээбитэ[1].

Быһаарыылар

  1. ↑ Саха сирин энциклопедическэй тылдьыта — СӨ Билимин акадьыамыйата, ISBN 978-5-02-038710-0, 2018, Новосибирскэй, Наука, С.520 — 191—192 с.

Категориялар