Киинэ аппараттаах киһи
Киинэ аппараттаах киһи (нууч. Человек с киноаппаратом) диэн ССРХ 1929 сыллааҕы саҥата суох документал киинэтэ. Режиссер Дзига Вертов, оператор Михаил Кауфман, редактор Елизавета Свилова.
Сүжета
«Киинэ аппараттаах киһи» эксперимент киинэ буолар. Ыйар суруктара (интертитрдара) уонна оонньооччу актердара суох. Вертов киинэ техникатын уонна монтаж кыахтарын туһанан литература театр дьайыылара суох киинэни уһулар дьаныктааҕа. Киинэ суруллубут сценарийа суох. Москва, Киев, Одесса олохтоохторун күннээҕи олохторо, үлэлииллэрэ, дьаарбайаллара, хоролҕоннор устун көлөлөр сырыылара, дьиэлэр араас ракурстан устуулара көстөллөр.
Киинэ устуутун саҥа ньымалара албастара туһаныллыбыттара - элбэхтээх экспозиция, бытаардыллыбыт устуу (таймлапс), дьамп кат, холланд муннуга, чугаһатыы уо.д.а.