Кайдышев Юрий Васильевич
Юрий Васильевич Кайдышев (1940 сыл атырдьах ыйын 7 күнэ, Бодойбо, Иркутскай уобалаhа — 2011 сыл ыам ыйын 22 күнэ, Москва) — Арассыыйатааҕы Судаарыстыбаннай диэйэтэл, Саха Өрөспүүбүлүкэтин Бырабыыталыстыбатын бэрэссэдээтэлэ (Саха Сирэ) (1994—1997).
Олоҕо
1959 сыл Саха сиринээҕи өрүс аалларын училищетын, онтон 1966 сыл — Новосибирскайдааҕы уу тырааныспарын институтун, 1984 сыл — Хабаровскайдааҕы партия үрдүкү оскуолатын бүтэрбитэ.
- 1959—1964 сылларга — Жатайдааҕы суудуналары өрөмүөннүүр собуот механига;
- 1964—1967 сылларга — Жатайдааҕы суудуналары өрөмүөннүүр собуот суудуналары өрөмүөннүүр сыах салайааччыта;
- 1967—1968 сылларга —Пеледуйдааҕы өрөмүөннүүр-туһанар бааза кылаабынай инженерэ;
- 1968—1974 сылларга —Өлүөнэтээҕи өрүс пароходтарын холбоһуктарын промышленнай тэрилтэлэр сулууспаларын салайааччы;
- 1974—1979 сылларга — Жатайдааҕы суудуналары өрөмүөннүүр-тутар собуот дириэктэрэ;
- 1979—1986 сылларга — Саха АССР Миниистирдэрин Сэбиэтин бэрэссэдээтэлин солбуйааччы;
- 1986—1988 сылларга — Саха АССР Ис Дьыалаҕа миниистирэ;
- 1988—1993 сылларга — Саха Өрөспүүбүлүкэтин (Саха сирэ) ИДьМ сулууспатын салайааччыта;
- 1993—1994 сылларга — «Ленскэйдээҕи өрүс пароходтарын холбоһуктара» акционернай тэрилтэ президенэ;
- 1994—1997 сылларга — Саха Өрөспүүбүлүкэтин (Саха сирэ) Бырабыыталыстыбатын Бэрэссэдээтэлэ.
1997 сыл биэнсийэҕэ тахсар. Ис Дьыала сулууспатын Генерал-майора.
Саха АССР Үрдүкү Сэбиэтин норуодунай депутатынан талылла сылдьыбыта (1979), Саха Өрөспүүбүлүкэтин Ил Түмэн Судаарыстыбаннай мунньаҕын бастакы ыҥырыытын депутата.