Игнатьев Иннокентий Гаврилович

Игнатьев Иннокентий Гаврилович (1929 сыл сэтинньи 21 күнэ, Майа, Саха АССР — 2016 сыл ахсынньы 28 күнэ, Москва) — саха сэбиэскэй судаарыстыбаннай диэйэтэлэ, Саха АССР Миниистирдэрин Сэбиэтин бэрэссэдээтэлин бастакы солбуйааччыта (1965-1972), ССРС норуодунай дьокутаата (1989-1991). Саха Өрөспүүбүлүкэтин ытык киһитэ.

Иннокентий Гаврилович 1929 сыллаахха сэтинньи 21 күнүгэр Мэҥэ-Хаҥалас улууһугар Майа с. төрөөбүт.
1954 с. — Москватааҕы физическэй культура институтун бүтэрбит.
1960 сылга дылы үлэлээбит сирдэрэ:

Дьокуускайдааҕы педучилище, преподаватель;

Саха АССР Миниистирдэрин Сүбэтин иһинэн физкультура уонна спорт Республикатааҕы комитета, бэрэссэдээтэл солбуйааччыта;

Дьокуускайдааҕы горисполком физкультураҕа уонна спортка комитета, бэрэссэдээтэл;

ЫБСЛКС Дьокуускайдааҕы горкома, бастакы секретарь;

ССКП Саха Сиринээҕи обкомун пропагандаҕа уонна агитацияҕа салаата, сэбиэдиссэй солбуйааччыта.

1962 сылтан, ССКП КК Үрдүкү партийнай оскуолатын бүтэрээт, ССКП Саха Сиринээҕи обкома политүөрэхтээһинин Дьиэтин салайааччыта.
1962 сылтан — Алдан оройуоннааҕы исполкомун бэрэссэдээтэлэ.
1965 с. — Саха АССР Миниистирдэрин Сүбэтин Бэрэссэдэээтэлин бастакы солбуйааччытынан анаммыт.
1972—1992 сс. — Саха АССР Постояннай представительствотын салайааччыта.
Саха общинатыгар бэтэрээннэр Сүбэлэрин бэрэссэдээтэлэ (Москва). Көмөнү оҥорор «Эрэл» фонд Попечительскэй Сүбэлэрин бэрэссэдээтэлэ.
1989—1991 сс. — ССРС норуодунай дьокутаата^[1]^[2]^[3]

И. Г. Игнатьев аатын сүгэллэр:
- Мэҥэ-Хаҥалас улууһун Хара орто оскуолата;
- Мэҥэ-Хаҥалас улууһун Петровка сэлиэнньэтигэр уулусса;
- Саха Өрөспүүбүлүкэтин судаарыстыбаннай сулууспа үлэһиттэрин Спартакиадата;
2019 сыллаахха, И.Г. Игнатьев төрөөбүтэ 90 сылыгар, Ем. Ярославскай аатынан Дьокуускайдааҕы Түмэлгэ кини кэриэһигэр быыстапка аһыллыбыт^[3].

Олоҕун олуктара