Нуучча тылынанАнал бырайыактар
Тылы уларыт
УРУБИИКИ ТУҺУНАН

Егоров Егор Константинович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Егоров.

Егоров Егор Константинович (1925 с, Бүлүүчээн нэһилиэгэ, Сунтаар оройуона, Саха АССР — 1986 с) — Саха АССР оскуолаларын үтүөлээх учуутала.

Олоҕун олуктара

Сунтаар оройуонун Бүлүүчээн нэһилиэгэр төрөөбүтэ. Бүлүүчээн 7 кылаастаах, Сунтаар орто оскуолатыгар 8 кылааһы, Бүлүү педучилищетын бүтэрбитэ. Үөһээ Мэйик алын сүһүөх оскуолатыгар сэбиэдиссэйинэн үлэтин саҕалаабыта.

1947 с. — Бүлүүчээн оскуолатыгар физика, математика учууталынан үлэлиир.

1951—1953 сс. Дьокуускайга учительскай институту бүтэрэр. Онтон Бүлүүчээн оскуолатыгар дириэктэринэн, салгыы физика, математика учууталынан үлэлиир. Бу сылларга оскуола коллектива материальнай базаны кэҥэтиигэ элбэх кээмэйдээх үлэни ыыппыта: үөрэнэр иккис корпус, мастарыскыай, гараж, машиноведение дьиэтэ, 4 квартиралаах уопсай дьиэ, остолобуой тутуллубуттара. Манна барытыгар Е. К. Егоров актыыбынай кыттыыны ылбыта. Материальнай база бөҕөргөөһүнүн түмүгэр бу оскуола кэлин лиссиэй буола улааппыта.[1]

Наҕараадалара, ытык ааттара

— Саха АССР оскуолаларын үтүөлээх учуутала

— РСФСР норуотун үөрэҕириитин туйгуна[2]

Быһаарыылар

  1. ↑ Кыайыыны, олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордулар: Н. Н. Спиридонов, А. К. Васильев; эп.эрэд: Т. Н. Иванова уо.д.а. — Дьокуускай : Чопчу, 2020. — 464с.
  2. ↑ Сунтаар улууһугар үөрэҕирии сайдыыта / [хомуйан оҥорон бэчээккэ бэлэмнээтилэр: И. Т. Назаров, Н. И. Алексеев; эппиэттиир ред. М. И. Аввакумова]. — Дьокуускай : Бичик, 2009. — 272 с.

Сигэлэр

Категориялар