Нуучча тылынанПартнёрдар бырайыактараАнал бырайыактар
Тас көрүҥүн уларытТылы уларыт
УРУБИИКИ ТУҺУНАН

Евсеев Матвей Николаевич

Евсеев Матвей Николаевич (1964 сыл алтынньы 26 күнэ, Түбэ (Сунтаар), Саха АССР) — хаһаайыстыбаннай үлэһит, «Арктик Капитал» тэрилтэ сүрүннүүр дириэктэрэ[1]. 1997–2016 сылларга «Анаабыр алмаастара» тэрилтэни салайбыта[2].

Олоҕун олуктара

1964 сыл алтынньы 26 күнүгэр Сунтаар улууһун Түбэ сэлиэнньэтигэр төрөөбүтэ[2].

1983–1985 сылларга Советскай Армияҕа сулууспалаабыта. 1990 сыллаахха Саха государственнай университетын хайа инженерын идэтигэр, 2004 сыллаахха ити университет Үп уонна экономика институтун экономист-финансист идэтигэр бүтэрбитэ[2].

1986–1992 сылларга «Якутзолото» холбоһук «Джугджурзолото» комбинатын «Нежданинскай» руднигар проходчик уонна дьэлби тэбтэрээччи идэлэригэр үлэлээбитэ. 1992–1996 сылларга «Горняк» артыалы, 1995–1997 сылларга Саха Өрөспүүбүлүкэтин старателлэрин «Золотой Союз» ассоциациятын салайбыта[2].

1997–2016 сылларга «Анаабыр алмаастара» сүрүннүүр дириэктэринэн, 2016 сыллаахха «АЛРОСА» вице-президенинэн үлэлээбитэ. 2016 сылтан «Арктик Капитал» тэрилтэни салайбыта[2].

Наҕараадалара уонна ытык ааттара

  • Саха Өрөспүүбүлүкэтин норуот хаһаайыстыбатын үтүөлээх үлэһитэ;
  • Өлүөхүмэ, Сунтаар, Анаабыр уонна Хаҥалас улуустарын Ытык олохтооҕо[2].

Быһаарыылар

  1. ↑ Наши предприятия. ООО «АРКТИК КАПИТАЛ». Сигэнии күнэ: 1 Алтынньы 2026.
  2. ↑ 1 2 3 4 5 6 ЕВСЕЕВ Матвей Николаевич (1964). Твои люди, Олёкма. Сигэнии күнэ: 1 Алтынньы 2026.

Категориялар