Нуучча тылынанАнал бырайыактар
Тылы уларыт
УРУБИИКИ ТУҺУНАН

Доллонов Владислав Семенович

Владислав Семёнович Доллонов (1959 сыл тохсунньу 3 күнэ, Ытык-Күөл, Саха АССР) — саха сэбиэскэй, Арассыыйа суруйааччыта, тылбаасчыт, суруналыыс[1][2].

Олоҕун олуктара

1959 сыллаахха тохсунньу 3 күнүгэр Таатта улууһун Ытык Күөл сэлиэнньэтигэр төрөөбүтэ[1][2].

1976 сыллаахха Уус-Алдан улууһун Бороҕон сэлиэнньэтигэр Мүрү орто оскуолатын бүтэрбитэ. 1986 сыллаахха Саха судаарыстыбаннай университетын омук тылын факультетын бүтэрбитэ[1]. 1997 сыллаахха Москубаҕа РФ Бэрэсидьиэнин иһинэн Арассыыйатааҕы судаарыстыбаннай сулууспа академиятын бүтэрбитэ[1][2].

Үлэтин Дьокуускайдааҕы кинигэ кыһатыттан саҕалаабыта, онно 1986 сылтан 1996 сылга диэри корректорынан, эрэдээктэринэн, уопсастыбаннай-политическай литература эрэдээксийэтин сэбиэдиссэйинэн үлэлээбитэ[1].

1996—1997 сс. «Илин» сурунаал бас эрэдээктэринэн үлэлээбитэ[1]. 1997—1998 сс. «Саханефтегаз» ННГК пресс-сэкирэтээринэн уонна СӨ Бэрэсидьиэнин иһинэн өрөспүүбүлүкэ сайдыытын стратегиятыгар Консультативнай Сүбэ эппиэттээх сэкирэтээринэн үлэлээбитэ[1].

1998—2009 сс. — СӨ Бэрэсидьиэнин уонна Бырабыыталыстыбатын Администрациятыгар, СӨ Бырабыыталыстыбатын иһинэн бэчээт, СМИ, уонна телерадиовещание дьыалаларыгар араас дуоһунастарга үлэлээбитэ[1].

2009 сыллаахха «Полярная звезда» өрөспүүбүлүкэтээҕи литературнай-уус-уран сурунаал сүрүн эрэдээктэринэн анаммыта[2][3].

Наҕараадалара уонна ытык ааттара

  • Саха Өрөспүүбүлүкэтин култууратын үтүөлээх үлэһитэ[2][3];
  • Бэчээт туйгуна[2];
  • Арассыыйа суруналыыстарын сойууһун чилиэнэ (1998);
  • Арассыыйа тылбаасчыттарын сойууһун чилиэнэ[1];
  • Саха Өрөспүүбүлүкэтин Суруйааччыларын сойууһун чилиэнэ (2008)[2][3].

Быһаарыылар

  1. ↑ 1 2 3 4 5 6 7 8 9 Доллонов Владислав Семенович (рус.). 1sn.ru. Сигэнии күнэ: 14 От ыйын 2026.
  2. ↑ 1 2 3 4 5 6 7 Доллонов Владислав (рус.). Литературная Якутия. Сигэнии күнэ: 14 От ыйын 2026.
  3. ↑ 1 2 3 Как живёшь, «Полярка»? (рус.). Литературная Якутия. Сигэнии күнэ: 14 От ыйын 2026.

Категориялар