Докторов Иван Игнатьевич
Докторов Иван Игнатьевич (1906 сыл балаҕан ыйын 20 күнэ, Балаҕаннаах, Саха уобалаһа — 1993 сыл от ыйын 5 күнэ) — Аҕа дойду Улуу сэриитин кыттыылааҕа.
Олоҕун олуктара
1941 сыл атырдьах ыйыгар фроҥҥа ыҥырыллыбыта. Иркутскай уобаласка Мальта бөһүөлэгэр байыас курсун ааспыта. Арҕаа фронт Белгородскай уобалаһыгар 38-с аармыйа 1155-с стрелковой дивизиятыгар түбэспитэ.
Бааһыран (атаҕар) эмтэнэн тахсан баран Курскай уобаласка ыытыллыбыта: 21-с аармыйа, 81-с дивизия, 53-с стрелковой полк.
Воронеж госпиталыгар (илиитигэр бааһыран сытан) биир дойдулааҕын, Саха сирин биллиилээх тустуугун-спортсменын Василий Степановы — Буучугураһы көрсүбүтэ. Ол эрээри сарсыҥҥы күнүгэр кинини Илиҥҥи фроҥҥа ыыппыттара. Василий Степанов ханна, хаһан өлбүтэ билигин да биллибэт.
Эмтэнэн баран Иван Докторов Харьковскай уобаласка фроҥҥа ыытыллыбыта. Онно Изюм куораты көмүскээһиҥҥэ үһүс төгүлүн ыараханнык бааһырбыта[1].
Аҕа дойду сэриитигэр Сталинград хайысхатыгар 1941 сыллаахха сэриилэспит[2].
Наҕараадалар
- Кыайыы 40 сылыгар 1985 сыллаахха Аҕа дойду сэриитин I истиэпэннээх уордьанынан наҕараадаламмыт[3];
- Албан аат III истиэпэннээх уордьана;
- атын мэтээллэр уонна наҕараадалар[1].