Данилов Василий Дмитриевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Данилов.

Данилов Василий Дмитриевич — Сулҕаччы нэһилиэгин Ытык киһитэ, тыыл уонна үлэ бэтэрээнэ.

Сулҕаччы нэһилиэгэр төрөөбүт. И. П. Михайлов-Харачаан аатынан холкуоска хонуу төһүү үлэһитэ, тулаайах, оонньооботох оҕо сааһа Аҕа дойду Улуу сэриитин сылларыгар түбэһэн, улахан дьону сэргэ хонуу араас үлэтин толлубакка үлэлээбитэ. Оччотооҕу уус-уран самодеятельность күрэхтэрин актыыбынай кыттыылааҕа.

Сэрии кэнниттэн дойдутуттан харыс да халбарыйбакка, үйэтин тухары Ленин аатынан колхоз, кэнники Строд аатынан совхоз Сулҕаччытааҕы отделениятыгар бастын үлэлээх ыччат сүөһү көрөөччүтэ, сылгыһыт буолбута. Бэйэтин нэһилиэгэр тыа хаһаайыстыбата сайдыытыгар кырата суох кылааты киллэрбит ыччат наставнига. Үтүө суобастаах үлэтэ үгүс Бочуотунай грамотанан, хас да «Коммунистическай улэ ударнига» знагынан, атын да үрдүк наҕараадаларынан бэлиэтэммит.

«1941-1945 сс. Аҕа дойду Улуу сэриитин кэмигэр килбиэннээх үлэтин иһин» мэтээлинэн 1948 с. наҕараадаламмыт.

Туhаныллыбыт литература

Сулҕаччы нэһилиэгин өйдөбүнньүк кинигэтэ: Кыайыы 65 сылыгар / хомуйан оҥордулар Е. В. Попова, П. М. Павлов; А. В. Кульбертинов уруһуйа. — Дьокуускай: ООО РИЦ «ОФСЕТ», 2010. — 128 с.