Нуучча тылынанПартнёрдар бырайыактараАнал бырайыактар
Тас көрүҥүн уларытТылы уларытИһитиннэрии
УРУБИИКИ ТУҺУНАН

Григорьев Семен Егорович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Григорьев.

Григорьев Семен Егорович (1974 кулун тутар 8, Болугур нэһилиэгэ, Саха АССР — 2020 ыам ыйын 8) — реликтовай фаунаны чинчийбит биллэр саха учуонайа, Сэлии түмэлин дириэктэрэ.

Олоҕун олуктара

Амма оройуонун Болугур сэлиэнньэтигэр 1974 сыллаахха кулун тутар 8 күнүгэр төрөөбүтэ. Усуйаана Казачье сэлиэнньэтигэр улааппыта, оскуолаҕа үөрэммитэ[1].

1990 сыллаахха СГУ биология-гегография факультетын биология салаатыгар киирбитэ.

СГУ-ну бүтэрэн баран 1995-1996 сс. Хаһаачыйа орто оскуолатыгар учууталлаабыта.

1996 с. биология билимин дуоктара Мордосов И. И. ыҥырыытынан СГК аспирантууратыгар киирбитэ. Тэҥҥэ университет зоология түмэлин сэбиэдиссэйинэн үлэлээбитэ.

Ол сыл учуонайдар норуоттар икки ардыларынааҕы бөлөхтөрүн састаабыгар Саха сирин көтөрдөрүн үөрэтэр «Дьааҥы-1996» диэн эспэдииссийэҕэ кыттыыны ылбыта. «Дьааҥы дельтата» ресурснай резерват билимҥэ олоҕуруутун бэлэмнээбитэ уонна «Омолой» резерваты тэрийиигэ кыттыыны ылбыта.

1998 с. — ассистент, 2005 с. — СГУ зоология хаапыдыратын старший преподавателэ.

Саха судаарыстыбаннай университетыгар уонна Хотугу прикладной экология институтугар үлэлиир кэмигэр өрөспүүбүлүкэ 18 улууһугар билим эспэдииссийэлэригэр сылдьыбыта.

2006 с. Хоту дойду прикладной экологиятын институтун прикладной зоологиятын уонна биоиндикациятын лабораториятыгар младшай научнай үлэһитинэн киирбит, 2008 с. — онно билим үлэһитэ буолбут.

2009 с. «Хоту дойду прикладной экологиятын института» ФГНУ Сэлии түмэлин үрдүкү научнай үлэһитэ буолбут. П. А. Лазарев аатынан Сэлии түмэлин лабораториятын салайбыт.

2007 с. «Экология мелких млекопитающих бассейна нижнего течения р. Яны и прилежащих территорий в условиях антропогенного воздействия» диэн тиэмэҕэ хандьыдаакка диссэртээссийэтин көмүскээбит. Бу үлэтигэр матырыйаалы уон сыл тухары хомуйбут, түмүктэрин хас да өрөспүүбүлүкэ, Арассыыйа уонна аан дойду таһымнаах кэмпириэнсийэлэргэ көрдөрбүт.

2011 сылтан 2020 сылга диэри П. А. Лазарев аатынан Сэлии түмэлин лабораториятын сэбиэдиссэйинэн үлэлээбитэ.

2018 сыллаахха Семен Григорьев Швейцария режиссера Кристиан Фрай сэлиилэри клоннааһын туһунан «Генезис 2.0» диэн киинэтигэр уһуллубута.

Наҕараадалара

  • «Интеллект молодых ученых XXI века» өрөспүүбүлүкэтээҕи научнай-практическай кэмпириэнсийэ лауреата (2000);
  • мэ» диэн .
  • «Биология – наука XXI века» эдэр чинчийээчилэр норуоттар икки ардыларынааҕы кэмпириэнсийэлэрин дипломана (Пущино к., 2002);
  • «Нуучча географическэй уопсастыбатын Саха сиринээҕи салаатын 100 сыла» мэтээл;
  • «Слава и величие СВФУ» бэлиэ[1].

Быһаарыылар

Категориялар