Горохов Христофор Петрович
Горохов Христофор Петрович (Элгэстэй) (1938 сыл тохсунньу 14 күнэ, Элгэс, Саха АССР — 2022 сыл муус устар 12 күнэ) — бэйиэт, Саха Өрөспүүбүлүкэтин суруйааччыларын Сойууһун чилиэнэ.
Олоҕун олуктара
Христофор Горохов 1938 сыллаахха тохсунньу 14 күнүгэр Дьааҥы улууһун Элгэс нэһилиэгэр колхозтаах дьиэ кэргэҥҥэ төрөөбүтэ. Орто оскуоланы бүтэрэн баран грузчигынан, болуотунньугунан, киномеханигынан, культура дьиэтин директорынан, комсомол Райкомун сэкэрэтээринэн улэлээбитэ.
1968 с. Саха судаарыстыбаннай университет ИФФ бүтэрбитэ.
Аҕыс кылаастаах уонна орто оскуолалар директордарынан үлэлээбитэ.
Покровскай (Хаҥалас улууһа) оскуолатыгар учууталлаабыта.
Христофор Горохов 2022 сыллаахха муус устар 12 күнүгэр өлбүтэ[1].
Айар үлэтэ
2007 сыллаахха «Мин эйиэхэ ырыа бэлэхтиим» диэн кэргэнигэр Екатерина Михайловнаҕа анаабыт 54 ырыалаах хомуурунньуга тахсыбыта.
Дьокуускай куорат өрөгөйүн ырыатын ааптара[2].
«Уол ырыата» уонна Өлөксөй Луҥха музыкатыгар «Оҕо сааһым сарсыардата» ырыалара ХХ үйэ 100 бастыҥ ырыатыгар ааттаммыттара.
Дьиэ кэргэнэ
Кэргэнэ — Екатерина Михайловна (2021 с. сэтинньи ый 4 өл.).
Наҕараадалара уонна ытык ааттара
- Саха Өрөспүүбүлүкэтин култууратын туйгуна.
Библиография
- Кустук Cyhyмa. — Якутскай, 1980
- Таптал сааскы тыллыылара. — Якутскай, 1987
- Алгыс аптаах биһилэҕэ. — Якутскай, 1991
- Дьылым хаардаах ыллыгынан. — Якутскай, 1992
- Сүрэх сырдык сүүрээннэрэ. — Якутскай, 1992
- Ягодные зори. — Красноярск, 1993