Нуучча тылынанАнал бырайыактар
Тылы уларыт
УРУБИИКИ ТУҺУНАН

Гольман Вольдемар Густавович

Гольман Вольдемар Густавович (XIX—?) — Саха Сиригэр үлэлээбит бастакы үөрэхтээх бэтэринээр.

Биография

Вольдемар Гольман Прибалтикаҕа төрөөбүтэ[1].

Дерпт университетын бэтэринээрийэ факультетын бүтэрээт, 1853 сыллаахха кулун тутар 12 күнүгэр Саха уобалаһын ис дьыалаҕа управлениетын мэдиссиинэҕэ отделениетын бэтэринээр бырааһынан анаммыта. Дьокуускайга 1854 сыллаахха кэлбитэ. Вольдемар Гольман 31 сыл тухары Саха Сиригэр соҕотох бэтэринээр этэ[2].

1855 сыллаахха Саха Сирин илинигэр Айаан трагынан ат сотуун өлүүтүн утары охсуһар, алтынньы 15 күнүттэн Бүлүү уокуругун чинчийбитэ. Оннук сэрэтэр үлэни сыл аайы отучча сылы быһа тэрийбитэ[1].

1859 сыл олунньу 7 күнүттэн 1859 сыл олунньу 32 күнүгэр диэри Дьокуускай куорат медицинскэй балыыһатын салайбыта[1].

Бэйэтэ элбэх сүөһүлээх эбит. Онтун отунан хааччыйаары Хатыыстаах, Нэлэгэр арыыларга ходуһа ылар эбит. Өрүс кытылыгар манастыыр аттыгар сайылык туттубут. Онно ат сүүрдүүтэ тэрийэр идэлээх эбит[3].

«Дьэбириэй тылын» билэрэ, университетка ниэмэстии үөрэммитэ, ааҥыллыы, нууччалыы, сахалыы саҥарара.

Ыстатыйалара

  • Заметки о якутском коневодстве (1871)
  • О болезнях домашних животных в Якутской области (1872)
  • Сведения о падеже лошадей и рогатого скота в Средневилюйском улусе (1889)

Аатын үйэтитии

  • Гольман аатынан Гольмин күөлэ ааттаммыта. Билигин ол күөл сиригэр ипподром турар[4][5].
  • Манастыыр аттыгар сайылык туттубута. Ол сайылык турбут билиитин Гольманка диэн ааттаабыттар, кэлин сэбиэскэй кэмҥэ арыый уларыйан Гольминка буолбут[6]. Гольман аатынан Дьокуускай куоракка «Гольминка 1» уонна «Гольминка 2» диэн быстах туора уулуссалар ааттаммыттара[4].

Быһаарыылар

  1. ↑ 1 2 3 Пестерев В. И. История Якутии в лицах. — Якутск: Бичик, 2001. — С. 104—106. — 462 с.
  2. ↑ СӨ бэтэринээр департаменын ситим-сирэ // Вехи становления ветеринарной службы Якутии.
  3. ↑ Сельское хозяйство // Якутия: рекорды, самое первое, самое-самое / Дь. Бичик, 2004. — С. 106
  4. ↑ 1 2 Два переулка Гольминка в Якутске названы в честь первого ветеринара - Вольдемара Гольман. https://yakutiamedia.ru/ (27 От ыйын 2021). Сигэнии күнэ: 25 Олунньу 2025.
  5. ↑ Старый Якутск. Как появились Гольминка, Шестаковка и Митрофаниха. https://1sn.ru/ (23 От ыйын 2023). Сигэнии күнэ: 25 Олунньу 2025.
  6. ↑ Сельское хозяйство // Якутия: рекорды, самое первое, самое-самое / Дь. Бичик, 2004. — С. 106

Категориялар