Нуучча тылынанАнал бырайыактар
Тылы уларыт
УРУБИИКИ ТУҺУНАН

Гоголев Василий Иннокентьевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Гоголев.

Гоголев Василий Иннокентьевич —Уйулҕан (1956 сыл алтынньы 8 күнэ, Мэҥэ, Мэҥэ Хаҥалас улууһа, Саха АССР) — суруйааччы, Саха Өрөспүүбүлүкэтин үөрэҕириитин туйгуна, Саха Өрөспүүбүлүкэтин култууратын туйгуна, Саха Өрөспүүбүлүкэтин суруйааччыларын сойууһун чилиэнэ.

Дьокуускай куорат 33 № орто оскуолатыгар уруһуй, технология учууталынан үлэлиир[1].

Олоҕун олуктара

  • Мэҥэ Хаҥалас оройуонун Балыктааҕар 1956 с. алтынньы 8-гар төрөөбүт;
  • 1975 с. Балыктаах орто оскуолатын бүтэрбит;
  • 1979 с. Намнааҕы художественнай педучилищены,
  • 1985 с. Хабаровскайдааҕы култуура институтун бүтэрбит;
  • 1985—1987 сс. Үөһээ Бүлүү култууратын систематыгар ситиһиилээхтик үлэлээбит;
  • 1987—1990 сс. Үөһээ Бүлүүтээҕи 2 нүөмэрдээх оскуолаҕа, М. А. Алексеев аатынан өрөспүүбүлүкэтээҕи гимназияҕа үлэлээбит;
  • 1990—1999 сс. Ускуустуба оскуолатын художественнай кылааһыгар үлэлээбит;
  • 1998—2000 сс. «Суор тиһэх кыланыыта» диэн видеодетектив сценарийын суруйан уус-уран киинэ устубут;

М. К. Аммосов аатынан Хотугулуу-Илиҥҥи федеральнай университет Арассыыйа Илиҥҥи олохтоох омуктарын тылларын уонна култуураларын институтун Саха литературатын магистрана[1].

Айар үлэтэ

Айар үлэнэн 1990-с сыллартан дьарыктанар. 1996 сыллаахха Үөһээ Бүлүүгэ маҥнайгы хоһооннорун хомуурунньуга бэчээттэммитэ.

2013 сыллаахха «Көһөрүллүү» диэн сэһэнин «Бичик» кинигэ кыһата, оттон «Хоһуун кыыс» диэн сэһэнин «Сайдам» кинигэ кыһата таһаарбыттара.

2014 сыллаахха «Көһөрүллүү» уонна «Хоһуун таас» сэһэннэрин Хараҕа суохтар өрөспүүбүлүкэтээҕи бибилэтиэкэлэрэ аудиокинигэ быһыытынан таһаарбыттара.

«Ийэкээм» диэн хоһоонугар айыллыбыт ырыа:

  • «Үрдэл» национальнай муусука бириэмийэтин кыайыылааҕа;
  • «Этигэн Хомус» ырыа күрэҕин «Бастыҥ ырыа», «Көрөөччүлэр биһирэбиллэрэ» номинацияларын кыайыылааҕа.
  • Ил Дархан «Норуот сөбүлүүр ырыата» диэн бирииһин хаһаайына буолбута.

2020 сыллаахха «Туоһахта уонна Лэкиэс» кинигэтэ тахсыбыта. Сэһэҥҥэ саха киһитэ сылгыга ураты истиҥ сыһыана арыллар[1].

2025 сыллаахха «Хамначчыт кыыс дьылҕата» сэһэнэ тахсыбыта[2]. Сыл түмүгүнэн, «Айар» кинигэ кыһата сэһэҥҥэ «Ааҕааччы биһирэбилэ» диэн бирииһи туттарбыта[3].

Сыанабыл

«Уйулҕан, бэйэтин псевдонима да этэрин курдук, маннык сюжетынан ааҕааччы уйулҕатын хамсатар, долгутар, сэһэни киһи биир тыынынан ааҕар. Ааптар тыла-өһө, ойуулуур-кэпсиир дьоҕура кини билиҥҥи кэм прозаигын быһыытынан, уһулуччу талааннааҕын кэрэһилиир», — диэн филология наукатын дуоктара, профессор, литературовед Варвара Окорокова «Туоһахта уонна Лэкиэс» кинигэ аан тылыгар суруйбут[4].

Тус олоҕо

Кэргэннээх, үс оҕолоох, сэттэ сиэннээх.

Наҕараадалара

  • Саха Өрөспүүбүлүкэтин үөрэҕириитин туйгуна;
  • Саха Өрөспүүбүлүкэтин культуратын туйгуна;
  • Саха Өрөспүүбүлүкэтин Суруйааччыларын сойууһун чилиэнэ.

Быһаарыылар

  1. ↑ 1 2 3 «Туоһахта уонна Лэкиэс» (рус.). edersaas.ru. Сигэнии күнэ: 5 Тохсунньу 2026.
  2. ↑ В свет вышла новая повесть Василия Гоголева-Уйулҕан. Сигэнии күнэ: 10 От ыйын 2026.
  3. ↑ Национальная издательская компания «Айар» подвела итоги года — ЯСИА, Новости Якутии и Якутска — свежие новости онлайн на сайте ysia.ru — ЯСИА (12 Олунньу 2026). Сигэнии күнэ: 10 От ыйын 2026.
  4. ↑ «Туоһахта уонна Лэкиэс» — Эдэрсаас, Эдэрсаас – сахалыы сонуннар – новости на якутском языке (7 Атырдьах ыйын 2020). Сигэнии күнэ: 10 От ыйын 2026.

Категориялар