Власов Василий Михайлович

Василий Власов 1945 сыллаахха атырдьах ыйын 23 күнүгэр Саха АССР Малая Марха с. төрөөбүтэ.

1963 с. — «Черемховоуголь» трестка бурстанок машиниһын көмөлөһөөччүтэ.

1968 сыллаахха Иркутскайдааҕы политехническай институту бүтэрбит. Техническэй билимнэр кандидаттара.

1968—1969 сс. — «Якуталмаз» холбоһук «Якутнипроалмаз» институтугар салаа инженера.

1969—1970 сс. — Сэбиэскэй Аармыйа кэккэтигэр сулууспалаабыт.

1970—1981 сс. — «Якутнипроалмаз» институт горнай салаатыгар старшай инженер, младшай научнай үлэһит, сектор сэбиэдиссэйэ, лаборатория сэбиэдиссэйин солбуйааччыта.

1981—1990 сс. — ССКП Дьокуускайдааҕы обкомун промышленностка салаатын инструктора, партия обкомун бастакы секретарын көмөлөһөөччүтэ, секретарь, ССКП Мирнэйдээҕи горкомугар бастакы секретарь.

1990—1993 сс. — Саха Өрөспүүбүлүкэтин Үрдүкү Сүбэтин Бэрэссэдээтэлин бастакы солбуйааччыта.

1993—1997 сс. — Саха Өрөспүүбүлүкэтин Правительствотын Бэрэссэдээтэлин солбуйааччыта, Саха Өрөспүүбүлүкэтин пенсияҕа сулууспатын Департаменын директора.

1997—1998 сс. — Саха Өрөспүүбүлүкэтин Президенын Дьаһалтатын салайааччыта.

1998 с. олунньу — 2002 с. олунньу — Саха Өрөспүүбүлүкэтин Правительствотын Бэрэссэдээтэлэ.

2002 сылтан 2005 сылга диэри «АЛРОСА» АК вице-бэрэсидьиэнэ.

2003 сылтан 2010 сылга диэри СӨ бэрэсидьиэнин иһинээҕи Алмаас Сэбиэтин баһылыга. 2005 сылтан 2009 сылга диэри «АЛРОСА» АК сүбэһитэ.

Мирнэй куорат Сүбэтин үһүс ыҥырыытын норуодунай дьокутаата, Саха АССР Үрдүкү Сүбэтин XI, XII ыҥырыыларын норуодунай дьокутаата.

Ил Түмэн үһүс (2002—2005) уонна бэһис (2013—2018) ыҥырыытын норуодунай дьокутаатынан талылла сылдьыбыта^[1].

• Саха Өрөспүүбүлүкэтин бэрэсидьиэнин Ытык грамотата (1994);
• Саха Өрөспүүбүлүкэтин норуотун хаһаайыстыбатын үтүөлээх үлэһитэ (1995);
• Хотугу сулус уордьан кавалера^[2] (2000);
• Саха Өрөспүүбүлүкэтин «Гражданскай килбиэн» бэлиэтэ;
• «Шахтёр килбиэнэ» 3 истиэпэннээх бэлиэтэ^[1].