Нуучча тылынанАнал бырайыактар
Тылы уларыт
УРУБИИКИ ТУҺУНАН

Флеминг Виктор

Виктор Флеминг (ааҥл. Victor Fleming) (1889 сыл олунньу 23 күнэ, Пасадина[d], Калифорния, Америка Холбоһуктаах Штааттара — 1949 сыл тохсунньу 6 күнэ, Коттонвуд[d], Аризона, Америка Холбоһуктаах Штааттара) — Оскар кыайыылаах АХШ киинэ режиссера уонна продюсера. Кини ордук аатырбыт киинэлэрэ «Волшебник страны Оз» (1939) уонна «Унесённые ветром» (1939).

Олоҕун олуктара

Флеминг Калифорния штатыгар билигин Ла-Каньяда-Флинтридж баар сирин аттыгар Банбери ранчотыгар Ева (кыыс арааспайата Хартман) уонна Уильям Ричард Лонзо Флеминг дьиэ кэргэнигэр төрөөбүтэ[2]. 1910 сыллаахха автосалоҥҥа автомеханигынан үлэлии сылдьан, кини режиссер Аллан Двоннуун билсибитэ, Двон кинини оператор көмөлөһөөччүтүнэн үлэҕэ ылбыта. 1915 сылтан кини «Triangle» устуудьуйаҕа кинооператорынан үлэлээбитэ, үксүн Дэвид Гриффит салалтатынан үлэлиирэ.

Аан дойду бастакы сэриитин сылларыгар Флеминг разведкаҕа хаартыскаҕа түһэрии салаатыгар сулууспалаабыта уонна кэлин Европа устун бэрэсидьиэн Вильсоны арыаллаабыта (старшай оператор быһыытынан)[3]. 1918 сылтан кини Колумбия университетын байыаннай кинематография оскуолатыгар учууталлаабыта уонна ону салайбыта. Кини куурсун истээччилэрин ортотугар Джозеф фон Штернберг, Эрнест Б. Шёдсак уонна Льюис Майлстоун бааллара[4]. 1919 сыллаахха Флеминг «Когда разойдутся тучи» диэн киинэни устан режиссер быһыытынан аан бастаан тахсыбыта, киинэҕэ сүрүн оруолу Дуглас Фэрбэнкс оонньообута.

1932 сылтан кини «MGM» устуудьуйаҕа үлэлээбитэ, онно «Красная пыль» (1932), «Сногсшибательная блондинка» (1933), «Остров сокровищ» (1934), «Безрассудные» (1935) уонна «Отважные капитаны» (1937) курдук биллиилээх киинэлэри устубута. 1939 сыллаахха кини саамай аатырбыт икки үлэтэ — «Волшебник страны Оз» уонна «Унесённые ветром» экраннарга тахсыбыттара. Кини бүтэһик киинэ иһин «Оскар» бириэмийэни ылбыта. Кини салайыытынан Киноакадемия бириэмийэтин эмиэ Вивьен Ли уонна Хэтти Макдэниел туппуттара. Флеминг бүтэһик режиссерскай үлэтинэн Ингрид Бергман сүрүн оруолугар оонньообут «Жанна д’Арк» киинэтэ буолбута. Бу хартыына 1948 сыл саамай улахан хитынан буолбута[5], ол эрээри устууга олус элбэх үп бараныллыбыт буолан, прокакка ороскуотун кыайан толуйбатаҕа[6].

1933 сылтан Флеминг Люсиль Россонныын ыал буолан олорбута, кинилэр икки оҕоломмуттара. Дьиэ кэргэн Калифорния штатын Бель-Эйр оройуонугар Морага диэн сиргэ олорбуттара. Кинилэргэ Кларк Гейбл, Вивьен Ли, Ингрид Бергман уонна Спенсер Трейси курдук аатырбыт дьон куруук ыалдьыттыыллара[7][8][9]. Флеминг 1949 сыл тохсунньу 6 күнүгэр сүрэҕэ тохтоон, Аризона штатын Коттонвуд куоратын балыыһатыгар өлбүтэ[10]. Кини «Hollywood Forever» кылабыыһа колумбарийыгар көмүллүбүтэ.

Талыллыбыт фильмографията

  • 1919: When the Clouds Roll by
  • 1932: Красная пыль / Red Dust
  • 1933: Взрывоопасная красотка / Bombshell
  • 1934: Остров сокровищ / Treasure Island
  • 1935: Безрассудные / Reckless
  • 1937: Благословенная земля
  • 1937: Отважные капитаны / Captains Courageous
  • 1938: Лётчик-испытатель / Test Pilot
  • 1939: Волшебник страны Оз / The Wizard of Oz
  • 1939: Унесённые ветром / Gone with the Wind
  • 1941: Доктор Джекилл и мистер Хайд / Dr. Jekyll and Mr. Hyde
  • 1942: Квартал Тортилья-Флэтт / Tortilla Flat
  • 1943: Парень по имени Джо / A Guy Named Joe

Быһаарыылар

  1. ↑ Keene A. T. Victor Fleming // Fleming, Victor (23 February 1889–06 January 1949) (англ.) // American National Biography Online / S. Ware — New York City: Oxford University Press, 2017. — ISSN 1470-6229 — doi:10.1093/ANB/9780198606697.ARTICLE.1803908
  2. ↑ Michael Sragow (2013). Victor Fleming: An American Movie Master. University Press of Kentucky. p. 19. ISBN 9780813144429. https://books.google.com/books?id=615TAGHm8WYC&pg=PT19.  Архивная копия от 2 Муус устар 2022 на Wayback Machine
  3. ↑ Victor Fleming Biography (англ.). biography.com. Сигэнии күнэ: 26 Бэс ыйын 2010. Архивировано 16 От ыйын 2009 года.
  4. ↑ Ask Alma's Owl: Victor Fleming and Columbia's School of Military Cinematography (англ.). Columbia News. Сигэнии күнэ: 3 Тохсунньу 2022. Архивировано 3 Тохсунньу 2022 года.
  5. ↑ (4 January 1950) «Top Grossers of 1949».
  6. ↑ Matthew Bernstein, Walter Wagner: Hollywood Independent, Minnesota Press, 2000 p444
  7. ↑ Moraga Estate - History (англ.) (8 Ыам ыйын 2013). Архивировано 8 Ыам ыйын 2013 года.
  8. ↑ James, Meg. Rupert Murdoch buys Moraga Vineyards estate in Bel Air (May 10, 2013). Сигэнии күнэ: 28 Бэс ыйын 2018.
  9. ↑ Virbila, S. Irene. Moraga Vineyards in Bel Air for sale (February 8, 2013). Архыыптаммыт 2013, Ыам ыйын 13 күнүгэр. Сигэнии күнэ: 13 Ыам ыйын 2022.
  10. ↑ Prescott Evening Courier - Google News Archive Search (англ.). Сигэнии күнэ: 30 Сэтинньи 2014. Архивировано 12 Кулун тутар 2022 года.

Сигэлэр

Эбии бу тиэмэҕэ

Категориялар