Нуучча тылынанАнал бырайыактар
Тылы уларыт
УРУБИИКИ ТУҺУНАН

Васильева Оксана Владимировна

УРУБИИКИ иһигэр маннык араспаанньалаах дьон туһунан ыстатыйалар бааллар, көр Васильева.

Оксана Васильева Владимировна — Гюрза (1981 сыл муус устар 3 күнэ, Сунтаар, Саха АССР) — боксаҕа Аан дойду түөрт төгүллээх чөмпүйүөнэ, Европа икки төгүллээх чөмпүйүөнэ, Арассыыйа алта төгүллээх чөмпүйүөнэ, «Европа бастыҥ боксера»-2000, WIBF барылынан профессионаллар ортолоругар боксаҕа аан дойду чөмпүйүөнэ, WAKO версиятынан кикбоксиҥҥа Аан дойду хас да төгүллээх чөмпүйүөнэ, Арассыыйа успуордун үтүөлээх маастара, кикбоксиҥҥа норуоттар ыккардыларынааҕы кылаастаах успуорт маастара[1].

Олоҕун олуктара

Сунтаар улууһугар Сунтаар сэлиэнньэтигэр 1981 с. муус устар 3 күнүгэр төрөөбүт.

1996 сылтан Сунтаарга кикбоксингынан Арассыыйа үтүөлээх тренеригэр Анатолий Афанасьевка дьарыктанан саҕалаабыт.

1998 сыллаахха Пермь куоракка Арассыыйа чемпионатыгар 48 кг дылы ыйааһыҥҥа бастаабыт. Ол сыл бастакытын Аан дойду чемпионатыгар Польшаҕа бара сылдьыбыт да, миэстэлэспэтэх[2].

Оскуола кэнниттэн Москваҕа Ленин аатынан Педагогическай университекка үөрэнэ киирбит уонна тута КИТЭК «Боевые перчатки» бокса кулуубун чилиэнэ буолбут, онно тренер Марк Ионович Мельцерга дьарыктаммыт[3].

1999—2000 сылларга любительскай боксаҕа Арассыыйа чөмпүйэнээтин кыайбыт, кикбоксиҥҥа Арассыыйа чөмпүйэнээтигэр иккис буолбут, Португалияҕа ыытыллыбыт 18-19 саастаах спортсменнар ортолоругар кикбоскиҥҥа Аан дойду күрэхтэһиитин кыайбыт. Европа Кубогын кыайбыт, боксаҕа Арассыыйа икки төгүллээх чөмпүйүөнэ буолбут[2].

2001, 2003 сылларга Аан дойду чөмпүйэнээтин кыайыылаҕа буолбут. 2002 сыллаахха Европа чемпионката, профессионаллар ортолоругар Аан дойду чемпионката буолбут[3].

2004—2005 сылларга успуордунан дьарыктанарын тохтото сылдьыбыт[2].

2006 сыллаахха Москваҕа WIBF барылынан чэпчэки ыйааһыҥҥа (53,5 кг диэри) Украинаттан Оксана Романованы кыайан, Аан дойду чөмпүйэнээтин кыайыылааҕа буолбут[4].

2009 сыллаахха Дьокуускайга боксаҕа Аан дойду чөмпүйэнээтин чэрчитинэн титулга киирсии буолбут. Күөн көрсүү WIBF уонна WBC барылларынан ааспыт. Оксана Васильева Европа уонна Аан дойду чемпионкатыгар Галина Ивановаҕа хотторбут[2].

Бокс эйгэтигэр «Гюрза» диэн аатынан биллэр. Гюрза — саамай бөдөҥ эриэн үөн, бу хос ааты тренерэ Марк Мельцер биэрбит[2].

Улахан успуортан 2011 сыллаахха барбыт, ол сыл «Азия Оҕолоро» Норуоттар икки ардыларынааҕы спортивнай оонньуулар Дирекцияларын салайааччытын солбуйааччынан анаммыт[5].

Быһаарыылар

  1. ↑ [https://yakutiamedia.ru/news/431958/ Многократная чемпионка мира из Якутии Оксана Васильева бесплатно проводит занятия по боксу Подробнее: https://yakutiamedia.ru/news/431958/] (рус.). Сигэнии күнэ: 18 Тохсунньу 2026.
  2. ↑ 1 2 3 4 5 Без лишних движений. Знаменитая Гюрза о холодном расчете и тех, кому благодарна за «эту круговерть» (рус.). Сигэнии күнэ: 18 Тохсунньу 2026.
  3. ↑ 1 2 Боксер Оксана Васильева. Чемпионка мира ненавидит, когда ее называют боксершей и тем более — боксеркой (рус.). Сигэнии күнэ: 18 Тохсунньу 2026.
  4. ↑ Бокс. Россиянка Оксана Васильева завоевала титул чемпионки WIBF (рус.). Сигэнии күнэ: 18 Тохсунньу 2026.
  5. ↑ Гюрза уходит из большого спорта на госслужбу (рус.). Сигэнии күнэ: 18 Тохсунньу 2026.

Категориялар